Foibe

Radio Don Bosco
Maison Don Bosco
BP 60, 105 Ivato-Aéroport
MADAGASCAR

Fitantanana sy Fandraharahana ankapobeny

+261 32 07 201 51

Cette adresse e-mail est protégée contre les robots spammeurs. Vous devez activer le JavaScript pour la visualiser.

Famoahana

Cette adresse e-mail est protégée contre les robots spammeurs. Vous devez activer le JavaScript pour la visualiser.

Fampahalalam-baovao

Cette adresse e-mail est protégée contre les robots spammeurs. Vous devez activer le JavaScript pour la visualiser.

Mivantana (onjam-peo)

+261 20 76 443 90
+261 20 76 442 09

+261 33 08 850 02 (SMS ihany)

Masoivoho (Antanimena)

Radio Don Bosco
Foyer Notre-Dame (ex. ISTS)
129 bis, rue Cardinal Jérôme Rakotomalala
101 Antananarivo
MADAGASCAR

+261 32 07 201 52

+261 34 99 481 62

Fampahalalana ny Radio Don Bosco

Radio mahaleo tena, mpanabe, manaraka ny foto-pinoana Katôlika, ary tsy manana tanjona pôlitika na filàm-bola, ny Radio Don Bosco. Ny filamatra kristianina sy ny fampianaran'ny Fiangonana no entiny manampy ny olona hivoatra sy hihalavorary amin'ny maha-olona sy maha-kristianina azy, ary amin'ny fomba manokana, ny tanoran'i Madagasikara.

Radio Tsy manavaka na iza na iza ny Radio Don Bosco. Miteny ho an'ny olon-drehetra, indrindra ho an'ny tanora satria tanora rahateo koa no manao azy. Na inona na inona kanto sy mahasoa eto Madagasikara dia aelin'i Radio Don Bosco.

Feo miara-dàlana amin'ny olon-drehetra ny Radio Don Bosco:

• na ao an-tokantrano na an-dàlambe;
• maraina hatramin'ny hariva; mandritra ny alina ihany koa;
• an-tanàn-dehibe sy ny manodidina azy,
• any amin'ny tanàna sy vohitra mitsitokotoko eny ambanivohitra;
• feo tsy mandao fa eo anila mandrakariva, indrindra ho an'ireo izay manirery, marary, saraka lavitra ny olon-tiany.

Radio mahatehotia manolotra ho anao:

• mozika, tantara, kolotsaina,
• vaovao, fialamboly, fanatanjahantena,
• finoana, vavaka,
• fihaonana, fifampizarana

mitondra ny feon'ny:

• vahoaka,
• ny tanora,
• ny mahantra sy ny madinika.

Tantaran'ny RDB

Tonga teto Madagasikara ny salezianina tamin'ny 1981, nentanin'ny hafanampon'ny "Vina Afrika" (Projet afrique), ary avy hatrany dia nisongadina tamin'ny fitrandrahana ny sehatry ny Serasera.

Folo taona tato aoriana dia nitsiry ny hevitra hanao Radio, ho fitaovam-pitoriana ny Vaovao Mahafaly sy fampivoarana ny ara-tsôsialy.

Tanteraka ny nofinofy nony neken'i Mômpera Luigi Zuppini lehiben'ny Fikambanana sy ny filànkeviny ny faniriana hanao Radio. Voatendry ho tale voalohany i Mômpera Luca Treglia, nanampy azy niandraikitra ny fanofanana ny ho mpandraharaha i Mômpera Rosario Salerno.

Nandritra ny taona 1995 sy 1996 dia nanolotra fampiofanana mpandraharaha amina asa fampielezam-peo ity Radio vao hisokatra, hanomànany ny ho mpiasa ao aminy. 

Raikitra fa "RADIO DON BOSCO" no hatao anarany ho fankasitrahana an'i Masindahy Joany Bosco mpanorina ny Fikambanana Salezianina. Ny teny faneva "Plus je l’écoute, plus je l’aime", dia manambara mazava ny fanamby avo lenta hametrahana ny Radio Don Bosco ho Filamatra eto an-drenivohitra Antananarivo. ("Arakaraka ny hihainoako azy no itiavako azy").

Ny 27 jona 1996 no notokànana ny Radio Don Bosco ka nampiely voalohany ny onjam-peony amin'ny fomba ôfisialy. Ny Kardinaly Armand Gaétan Razafindratandra no nitarika ny lanonana, notronin'ny olo-manan-kaja maro avy amin'ny sehatra pôlitika sy ara-kolotsaina.

Nandimby an'i Mômpera Luca i Mômpera Cosimo Alvati teo amin'ny fitantanana ny Radio, nanomboka ny taona 1998 hatramin'ny 2006.

Niverina kosa indray ny volana marsa 2006, ary talen'ny Radio Don Bosco mandraka ankehitriny, i Mômpera Luca Treglia.

Firafitry ny fandaharana (Aprily 2019)

Efa noresahantsika teto avokoa ny paik'ady rehetra entina manorina fahombiazana sy fiadanana, na teo amin'ny lafiny ara-batana, na teo amin'ny lafiny ara-tsaina, na teo amin'ny lafiny ara-po sy fitiavana, na teo amin'ny lafiny ara-panahy.

Tohiny...