Miaina anaty tebiteby sy ahiahy ny zanak'olombelona ankehitriny, indrindra fa ny Kristianina Katôlika satria mihabetsaka ny mpanenjika sy mpanohitra ny finoana. Tsy tokony ho kivy anefa ny olona amin'ny fampanjakana ny fandriampahalemana sy ny rariny satria vavolombelon'i Kristy. Mila fiadanana isika dia ny fiadanam-po fototry ny filaminana rehetra ; ny fitiavam-bavaka sy ny fahazotoana mamita adidy no fototr'izany ary atao amim-paharetana sy amim-panetrentena... Fandaharana "hono hoy aho Mompera", eto amin’ny Radio Don Bosco, isaky ny alarobia alina.

Alahady faha-32 mandavantaona — A — : Ity tany ity fandalovam-bahiny. Aleloia. Aleioia. Miambena sy mivonòna ianareo fa ho avy amin’ny ora tsy ampoizinareo ny Zanak’Olona. Aleloia. Ny fahendrena dia sarobidy indrindra ary tsy manan-tsahala eto amin'izao tontolo izao. Mitsena ireo mitady azy ny Fahendrana. Ny Fahendrena dia mamirapiratra, tsy mety matroka hatsarana; mora mahita azy ny olona raha tia azy izy, ary mora mahazo azy raha mitady. Ilaina ampiasaina araka ny sitrapon'Andriamanitra ny fahefana. Ho amin'ny fifaliana no iantsoan'Andriamanitra antsika ; ny fiambenana dia midika ho fiainana vonona handray ny Tompo...

Masindahy Joda no antsoina rehefa misy zava-dehibe manahirana, anatin'ny finoana sy fitoniana. Ny fanevan'ny satana dia ny vola aman-karena, ny voninahitra, ny fiavonavonana, ary mampiasa ny fomba sy ny fitaovana rehetra hanaovana tsindry hazo-lena ny hafa ; ny fahefan'i Kristy kosa dia ny fahantrana, ny fiharetana ny fanaratsiana isan-karazany, ary manao ho zava-dehibe ny famindram-po sy ny famelan-keloka. Zava-dehibe ny fanompona ny namana ... Fandaharana "hono hoy aho Mompera", eto amin’ny Radio Don Bosco, isaky ny alarobia alina.

Ny hasin'ny olona amin'ny dingana rehetra amin'ny fiainany : hatramin'ny torotoronina ka hatramin'ny fahafatesana voajanahary. Hatramin'ny fotoana voalohany isian'ny olona dia tsy maintsy ekena ny zony amin'ny maha-olona azy, ka anisan'izany ny zo tsy azo foanana ananan'ny olona tsy manan-tsiny rehetra ho velona... Katesizy momba ny foto-pampianaran'ny Eglizy " Ny hasin'ny aina - Fikasan'Andriamanitra ", iarahana amin'i Avotriniaina Nicholson, Teôlôjiana môralista.

Sous-catégories

Vatsim-panahy

Hono hoy aho Mompera ?

[Miara-dàlana] Zoma 6 novambra 2026

• Hotanterahana ny alahady ho avy izao ny fanamasinana ho Eveka an'i Mgr Mariusz Kasperski, notendren'ny Papa Léon XIV, ho Eveka Mpanampy ao amin'ny Arsidiosezin'i Toamasina… •“Inoy izay vakianao, ampianaro izao inoinao, arahao izay ampianarinao”, io no lohahevitra hifanentanana sy hifampizarana mandritra ny fihaonamben'ny pretra diosezanina, hotanterahana ny 12 hatramin'ny 16 novambra 2026 any amin'ny Diosezin'Antsirabe… • Ny asa no fon'ny toekarena, hoy ny Ray masina, nandritra ny Audience générale, ny alarobia lasa teo…

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...