Atolotr'i Rakotoarison James Daniel

Lohahevitra : Vaovao

Naseho ny : 19 novambra 2024

• Nilamina tamin'ny ankapobeny ny fanombohan'ny fampielezan-kevitra amin'ny fifidianana izay ho Ben'ny Tanàna sy Mpanolotsaina, hatao amin'ny 11 desambra 2024. Dia be mamakivaky tanàna no saika nisantarana izany androany...
• Miantso ireo Solombavam-bahoaka sy Loholona, handinika tsara ny votoatin'ny volavolan-dalana mifehy ny fitantanam-bolam-panjakana, ny firaisamonim-pirenena, izay vao handany izany. Iankinan'ny fiainam-pirenena mantsy izy io, hoy ny hetsika Rohy...
• Nitrangana doro tanety tao amin'ny faritry ny seranam-piaramanidina tety Ivato. Voafehy ny afo ary efa miverina amin'ny laoniny ny sidina tao aorian'ny famonoan'ny tompon'andraikitra ny izany...

Tohiny...

Atolotr'i Rasamimanana Marc

Lohahevitra : Zava-misy

Naseho ny : 19 novambra 2024

Ilaina ny fanisana biôlôjika ho an'ny ala vao fantarina na tiana ho tantanina hamantarana ny toetran'ilay ala, tsy maintsy misy solontena avy amin'ny fanjakana miatrika eo, misy koa fanisana hanaovana fikarohana biby vaovao mbola tsy fantatra. Tany amin'ny taona 1905 no nisy fanisana biôlôjika voalohany izay teto Madagasikara. Inona no maha zava-dehibe ny fanisana biolojika? Fandaharana "Zava-misy" iarahana amin'i Rasamimanana Marc.

Tohiny...

Atolotr'i Domoinafanjalalao Anna Antoinette

Lohahevitra : Onjam-panahy

Naseho ny : 19 novambra 2024

Raha faritana araka ny finoantsika ny afo fandiovana dia toeram-pijaliana sy fanonerana izay handiovan'ny fanahy izay mbola tsy mendrika ny ho raisina hiditra any an-danitra. Tsy paradisa sady tsy afobe fa toerana manelanelana ny hafaliana tsy manam-petra sy ny toeran'ny fijaliana tsy misy farany ; toy ny afobe ihany izy raha jerena ny fangirifirian'ny fijaliana, ary manahatahaka ny Lanitra kosa izy amin'ny fahamasinan'ireo izay mitaraina; afo mandoro nefa manadio. Misy ny fijoroana vavolombelona isan-karazany mahakasika ny fisian'ny afo fandiovana, ary misy ihany koa ny vavaka mahakasika azy io.

Tohiny...