Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :      

Naseho ny : 14 mey 2023

Ankehitriny dia betsaka ny zavatra manahirana ny olona ka manosika azy ireny hitady sy hila famonjena. Ny fady dia mifamatotra amin'ny lafim-piainan'ny malagasy, ary mifamatotra amin'ny fiainan'ny kristiana sy ny tanora izay samy mitady sy miandrandra fiadanana sy famonjena. Ny fiangonana anefa metetika no mirona manatsatso sy manameloka ireny fomba amam-panao sy fady ireny ho fomba mahadiso na mandika ireny ho finoanoam-poana. Ny fady dia zavatra na olona tsy azo tononina anarana na tsy kasihana ary tsy azo atao.

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :      

Naseho ny : 21 mey 2023

Ny fiavonavonana sy ny fahihirana dia isan'ireo fahotana fito fototry ny hafa, fa mifamatotra amin'izany ny fialonana. Ireo toetra ireo dia hita eny amin'ny tontolon'ny fiaraha-monina ary manimba zavatra maro. Maro ireo tsy mandray ny soso-kevitry ny olona manodidina azy fa miolonolona sy mampiseho avonavona. Maro ireo mpanan-karena mahihitra ka tsy mitsinjo ny tombontsoa iombonana.

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :   

Naseho ny : 28 mey 2023

Manana ny mampiavaka azy ny kristiana Malagasy. Mba hanavahana ny asan'ny fanompoan-tsampy dia eo ny didin'Andriamanitra, telo voalohany : Izaho no Tompo Andriamanitrao, ianao aza manana Andriamanitra hafa afa-tsy Izaho, manompoa an'Andriamanitra ianao, tiava azy amin'ny fonao rehetra ; aza manonononom-poana ny anaran'Andriamanitra ; mankamasiana ny andro alahady... Misy ny andro fady ho an'ny kristiana dia ny alahady ho an'ny finoana katôlika...

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :   

Naseho ny : 4 jona 2023

Ny didy aman-dalàna sy ny didin'Andriamanitra no fototra handrafetana ny fitsipika hifampitondra eo amin'ny samy mpiara-belona. Misy amin'ireo lalàna noheverina handrindràna ny fiaraha-monina no tsy mipaka any amin'ny tontolo ambanivohitra, izany hoe tsy ampy ny fahampahafantarana azy ireny. Na nisy aza ny fivoriana nataon'ireo andrim-panjakana mpanao lalàna dia tsy misy fampahafantarana izay lalàna niadian-kevitra sy izay mety ho fampiharana izany.

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :   

Naseho ny : 11 jona 2023

Ny alakamisy 8 jona no hatsiarovana ny maha maritiry ny Olomasina Jeacques Berthieu, izay vavolombelon'ny finoana. Voatendry ho Arsevekan'Antananarivo i Mgr Jean de Dieu Raoelison, izay handimby an'i Mgr Odon Razanakolona. Ny fetin'ny Sakramenta Masina dia ny 8 jona ihany koa. Ny laïka no tompon'andraikitra voalohany amin'ny fampandrosoana ny firenena, koa ilaina ny firotsahan'ny tsirairay indrindra isika kristiana.

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :      

Naseho ny : 18 jona 2023

Misy manda lehibe roa miaro antsika kristiana dia ny tenin'Andrimanitra ny Testamenta Taloha sy ny Testamenta Vaovao ; ary eo ihany koa ny Sakramenta fito. Misongadina amin'ireo Sakramenta fito :  ny Eokaristia sy ny Sakramentan'ny filaharana. Tsy misy ny atao hoe "krizy" eo amin'ny fiainan'ny Eglizy fa ny olona tsirairay no tsy mahatsapa ny hasin'ny tenany, aina, fo amam-panahy, tanindrazana, ary ny hasin'ny tontolo iainana. 

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :   

Naseho ny : 25 jona 2023

Manana adidy amin'ny fireneny sy ny tanindrazany ny olona tsirairy. Hasin'ny Firenena sy ny hasin'ny vahoaka ao amin'ny dia mifamatotra tanteraka ary mifamatotra tanteraka ihany koa amin'ny didy fahaefatra amin'ny didin'Andriamanitra dia ny hoe "manajà ny ray aman-dreninao mba ho ela velona ianao". Tsy ampy ny fanajana ny ray aman-dreny fotsiny fa manana adidy ihany koa isika mba hanaja ny manodidina antsika, ny mpiara-monina ary ny mpiray tanindrazana sy firenena.

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :      

Naseho ny : 9 jolay 2023

Ny zo, ny adidy ary ny andraikitra dia isany mampisy hasina sy haja ny olona tsirairay. Ny hasina sy ny haja dia nanana ny lanjany teo amin'ny Ntaolo Malagasy sy ny finoana Kristiana satria ny "hasina" no fototry ny "fahamasinana" ary ny "haja" no mametraka antsika amin'ny hoe "fahamboniana" ; Andriamanitra irery ihany anefa no manana io fahamboniana io avo indrindra. 

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :   

Naseho ny : 16 jolay 2023

Ao amin'ny Jenezy 1, 28 " miteraha maro, mitomboa, mamenoa ny tany, ka mizakà azy". Ny hoe mitomboa maro dia midika ho fiarovana ny aina ; ary ny hoe mizakà dia midika ho fizakàna ny tany amin'ny alalan'ny asa. Rehefa tsy an'asa ny olona iray dia tsy afaka ny hiaro ny aina satria ny olona noana dia tsy afaka hiaro ny aina. Nomen'i Jesoa kristy lanja ny asa nandritra ny fotoana nahavelomana satria ny 3 taona no nitoriany ny teny fa ny 30 taona teo alohan'izay dia natokany ho an'ny asa.

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :      

Naseho ny : 23 jolay 2023

Fikambanana manana ny lanjany eo anivon'ny Eglizy katôlika ny F.E.T, Mompera Odon Honoré Andrianarisoa no niandraikitra io herivelona io. Io pretra io fony fahavelony dia isan'ireo pretra ao anatin'ny fikambanan'i Jesoa hatramin'ny 6 novambra 1989. Ity pretra ity no Aomonie an'ny F.E.T, isan'ireo nanao fandalinana momba ny Eokaristia. Niandraikitra ny tantsoroka ho an'ireo Nôvisy.

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :      

Naseho ny : 6 aogositra 2023

Tontosa soa ny fametrahana araka ny fomban'ny Eglizy ny Arseveka an'Antananarivo ary ny famaranana ny androm-pirenena ho an'ny ankizy, izay samy natao teny amin'ny kianja Soamandrakizay. Ny olon'ny fiombonana dia samy maneho ny fihavanana sy ny firaisan-kina. Miantso ny rehetra mba handini-tena manoloana ny fikatsahana ny rariny sy ny marina, na ireo amin'ny sehatry ny finoana, na fitondrana, ny iray tanàna, atsaharo ny fanararaotana ny fahalalana olona, fa manimba zavatra maro.

Tohiny...

Atolotr'i Radio Don Bosco

Lohahevitra : Hono hoy aho Mompera ?

Voadika amin'ny fiteny :      

Naseho ny : 13 aogositra 2023

I Jesoa Kristy no teny tonga nofo ary nofo tonga mofo, izy ilay voa nafafy, ilay raisina ao amin'ny Eokaristia. Ny Kristiana vita batemy no tany hamafazana izany Eokaristia izany, izay miaina ny finoana sy ny fanantenana. Ny mpino dia azo hambara ho tany lonaka, indrindra raha mazoto mandray Kôminio sy ny sakramentan'ny fampihavanana. Ny fitiavam-bavaka sy ny asa fihatrana ary ny fitiava-namana no hendriky ny rano entina hanondrahana ny finoana mba hivelatra.

Tohiny...