Ao amin'ny Jenezy 1, 28 " miteraha maro, mitomboa, mamenoa ny tany, ka mizakà azy". Ny hoe mitomboa maro dia midika ho fiarovana ny aina ; ary ny hoe mizakà dia midika ho fizakàna ny tany amin'ny alalan'ny asa. Rehefa tsy an'asa ny olona iray dia tsy afaka ny hiaro ny aina satria ny olona noana dia tsy afaka hiaro ny aina. Nomen'i Jesoa kristy lanja ny asa nandritra ny fotoana nahavelomana satria ny 3 taona no nitoriany ny teny fa ny 30 taona teo alohan'izay dia natokany ho an'ny asa.
Tany Alexandrie i Jesoa no nisehatra tamin'ny asa tamin'ny fahazazany, fa noho ny feno 12 taona izy dia tao Nazareta. Ny lanjan'ny asa sy ny fahaiza-mintanana sy ny fampananan'asa dia adidin'ireo mpanan-karena sy ny tompon'andraikitra ara-pitondrana, indrindra ny famoronan'asa. Ho fampandrosoana ny tanàna sy ho fitaratra amin'ny resaka asa dia entanina ny fokonolona mba hanokana 1 andro isam-bolana hanaovana fikojakojana lalana sy foto-drafitr'asa, ary irina ny hampiasana ny hetra ho amin'ny tombontsoan'ny daholobe, indrindra ny famoronana asa.
