Manana adidy amin'ny fireneny sy ny tanindrazany ny olona tsirairy. Hasin'ny Firenena sy ny hasin'ny vahoaka ao amin'ny dia mifamatotra tanteraka ary mifamatotra tanteraka ihany koa amin'ny didy fahaefatra amin'ny didin'Andriamanitra dia ny hoe "manajà ny ray aman-dreninao mba ho ela velona ianao". Tsy ampy ny fanajana ny ray aman-dreny fotsiny fa manana adidy ihany koa isika mba hanaja ny manodidina antsika, ny mpiara-monina ary ny mpiray tanindrazana sy firenena.

Ny fomba fanao amin'ny fanamarihana ny fetim-pirenena dia maneho ny hasin'ny vahoaka sy ny firenena. Ny mpitondra sy mpitantana dia tokony hametraka amin'ny toerana sahaza azy ireo hasina isan-tokana. Mba hamerenana ny hasin'ny firenena dia ireto no tokony hatao : voalohany dia ny fandroana sy ny fidiovana amin'ny alalan'ny rano sy ny afo ; faharoa fanaovana ny famoahana ny afo "arendrina" manambara ny fahazavana ; fahatelo dia ny fiombonana amin'ny sakafo-pihavanana izay solon'ny fifanajana eo amin'ny mpiray tanàna indrindra ny ray aman-dreny sy ny zanaka.