Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny fahafahana mamorona dia fanompoana an'Andriamanitra. Ny olombelona dia nomen'Andriamanitra saina sy fahalalana ka ireo no entina manao zavatra tsara sy mahaliana, izany hoe manana toe-tsaina mamorina. Ny fibanjinan'ny olona ny asan'ny tsirairay dia mampitodika ny olona iray amin'Andriamanitra. Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny toetra mamaritra ny asa an-terivozona dia tsy manana fahafahana ny olona manao ny asa, tsy afaka manampan-kevitra, tsy afaka mamorina, ary ny habetsahan'ny zavatra vita no mibahana fa tsy ny hatsaran'ny asa vita. Ny asa ny vahoaka afaka dia fanompoana an'Andriamanitra, asa maimaimpoana, asa vokatry ny famoronana araka ny heviny sy ny fandinihany. Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny asa dia nisy talohan'ny vola ; ny vola dia efa nisy 5000 taona talohan'i Jesoa Kristy. Ny hevitry ny asa dia tsy araka ny fomba fiheverantsika andavanandro satria araka ny voasoratra dia tsy nisy resaka vola tao amin'ny saha Edena, ary tsy ny vola no mandrefy ny asa. Ny asa dia entina ifandraisana amin'Andriamanitra satria manohy ny asa fahariana ny olombelona. Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny asa dia fanomezam-boninahitra. Namotika ny fahamendehan'ny asa ny vola satria miseho amin'ny endrika famonoana olona. Ny asa no nahatonga ny fisian'ny vola, lasa navadiky ny olona zava-misy ka zary fehezin'ny fisian'ny vola ny asa, izay tsy mandeha araka ny tokony ho izy ; anefa efa voalaza ny hoe : "katsaho aloha ny fanjakan'Andriamanitra dia omena anao ny ambiny. Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny asa dia voaresaka im-betsaka ao anatin'ny Baiboly indrindra fa ao anatin'ny Evanjely, ohatra amin'izany ny hoe "i Jesoa zanaky ny  mpandrafitra" izany hoe nanana ny asany i Joseph. I Jesoa dia mpandrafitra tahaka ny rainy, niara-niasa amin'ny rainy ny zanaky ny Jody. Nanafitohana ny olona sasany ny fahagagana nataon'i Jesoa ary niaran'ny fanambaniana ny asan'ny mpandrafitra tamin'izany. Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny asa dia manambara ny maha-izy ny tena. Maro ny olona no mihevitra fa izay mahazo vola betsaka amin'ny tambin'ny asa no ambony. Ny asa mendrika dia izay rehetra mampivelatra ny maha-olona. Araka ny voasoratra ao anaty Baiboly ; rehefa niantso ny mpianany i Jesoa dia niova ny asa fanaon'ireo voaantso ary lasa mpanarato olona izy rehetra.  Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny ranomasina da famantarana ny ratsy, anefa tamin'io tontolo io ny mpianatr'i Jesoa no nantsoiny ho mpanarato olona. Ny asan'ny mpanarato dia asa mila finiavana satria manasatra ary mitaky faharetana ihany koa, izany hoe ilàna herin-tsaina sy herim-po. Ny hevitry ny manarato eto dia manala ny olombelona eo amin'ny haizin'izao tontolo izao ho any amin'ny fahazavana lehibe.  Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny asa-tanana dia maneho ny maha-izy ny tena. I Piera dia mpitarika, ny asa fanaratoana dia maneho fa olona feno i Piera. Maro ny olona nanaraka an'i Piera, navelany ny lazany ka nanaiky an'i Jesoa Kristy izy ; niova ny maha-izy an'i Piera teo anivon'ny fiaraha-monina ary namaritra ny fisiana vaovao.   Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny fifandraisan'ny asa sy ny vola dia hadisoan-kevitra ihany satria ny asa no talohan'ny vola. Ny vola dia vokatry ny asa. Rehefa manao ho zava-dehibe ny vola dia lasa andevon'olona isika. Ny fianakaviana masina dia efa nivelona tamin'ny asa fa tsy tamin'ny alalan'ny fangatahana teny amorondalana. Andriamanitra dia manandratra ny asa-tanana. Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny asam-panjakàna dia isan'ny voaresaka ao amin'ny Baiboly ihany koa dia ny niantsoan'i Jesoa Kristy an'ireo mpamory hetra. I Matio dia mpamory hetra no nantsoin'i Jesoa Kristy ary nanaiky araka nanao asa araka ny andraikitra nomena azy. Ny Polblikana dia mpiasa-panjakàna, mpamory hetra teny amin'ny seranan-tsambo, mitaky hetra mihoampapana, anefa nanaiky hiova ho mpanarato olona. Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Ny vehivavy jody dia tsy nanana asa, ivelan'ny tokantrano, izany hoe mikarakara tokantrano sy ny ankohonany. Manana anjara asa lehibe ny vehivavy, indrindra teo amin'ny tantaram-pamonjena ; niara niasa tamin'i Masina Maria ho fahatongavan'Andriamanitra ho nofo ny Andriamanitra Ray. Tsy azo afangaro ny adidin'ny lehilahy sy ny vehivavy.  Katesizy momba ny asa, iarahana amin'i P. Rakotondramanana Soloniaina Jean Emilien. 

Lohahevitra : Raki-tsarobidy
Voadika amin'ny fiteny :  Français (France)   English (United Kingdom) 

Maro ireo nihevitra fa mpiray petsapetsa amin'ny mpanota i Jesoa Kristy tamin'ireo fanasana natrehany. Ny asa dia ahitana fifanaharana hatrany, ohatra : rehefa nantsoin'i Jesoa Kristy dia nanaiky ho diovina i Matio. Azo atao tsara ny miasa ara-pahamarinana sy ara-drariny ho fanasoavana ny daholobe.  Katesizy momba ny asa, iarahana amin'i P. Rakotondramanana Soloniaina Jean Emilien. 

Sous-catégories

Tenin'ny Tompo

Hono hoy aho Mompera ?

[Miara-dàlana] Alatsinainy 25 nôvambra 2024

  • Samy nanana ny nanamarihana ny Andro maneratan-tany ho an'ny Tanora ny isan-diôsezy, ny isan-distrika ary ny isam-paroasy, omaly Alahadin'i Kristy Mpanjaka...
  • Manao ezaka ho fanatsararana ny kalitaon'ny fanabeazana omena ireo zanaky ny Fiangonana manovo fanabeazana eny amin'ny Sekoly Katôlika ny eto Mdagasikara sy ny any amin'ny Diôsezy. Isan'izany ny eto amin'ny Diôsezin'Antananarivo...
  • Mitoetra ao amin'ny teny marina sy mandaitra ny fahefana maha Mpanjaka an'i Jesoa, hoy ny Papa François tamin'ny fampianarana nataony talohan'ny vavaka Angelus, ny alahady 24 nôvambra 2024...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...