Atolotr'i Radio Don Bosco

Lohahevitra : Vaovao

Naseho ny : 13 aogositra 2021

♦ Nolanian'ireo Solombavam-bahoaka avokoa ireo volavolan-dalana dimy naroso nodinihin'izy ireo. Nifarana ny hariva teo ny fivoriana tsy ara-potoana faharoa tamin'ity taona ity, ho an'ireo Antenimiera roa tonta... ♦ Natao ankamehana ny fandinihana sy ny fandanian'ny Antenimiera mpanao lalana ny volavolan-dalana momba ny tahiry malagasy ho an'ny fampiasam-bola mahaleo tena, hoy ny fiaraha-monim-pirenena, ka tsy mankasitraka ny fanafainganana ny fandaniana izany izy ireo...

Tohiny...

Atolotr'i Radio Don Bosco

Lohahevitra : Vaovao

Naseho ny : 13 aogositra 2021

♦ Tanterahana manomboka izao maraina izao ny adina ara-panatanjahantena an-tsoratra, ho an'ireo mpiadina bakalorea tsy afaka niatrika izany teny an-kianja... ♦ Anio no hafindra ao amin'ny Katedraly Ambozontany Fianarantsoa ny taolam-balon'ny eveka Philibert Randriambololona...

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Finoana aina

Voadika amin'ny fiteny :      

Naseho ny : 4 jona 2021

Zary faneken'Andriamanitra azy ny faneken"i Md Josefa an'Andriamanitra. Nanaiky ny hanabe ny Zanak'Andriamanitra izy, ary nankato azy tao amin'ny ankohonany io Zanak'Andriamanitra io.

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Finoana aina

Voadika amin'ny fiteny :      

Naseho ny : 4 jona 2021

Manome ohatra maro ho antsika ny fiainan'ny olomasina, izay hanentanana antsika ny hanahaka azy ireny. Noho izany, dia tsy maintsy mamantatra ny momba ny hatsaram-panahin'izy ireo isika mba hahafahantsika maka tahaka azy sy mitia azy manokana.

Tohiny...

Atolotr'i Ratovoarivelo Ndrasantsoa Marie Frédeline

Lohahevitra : Finoana aina

Voadika amin'ny fiteny :      

Naseho ny : 7 mey 2021

Nandray anjara tamin'ny fanatanterahana ny sitrapon'Andriamanitra amin'ny fanavotana ny olombelona i Md Jozefa. Nanaraka an-tsakany sy andavany izay nolazain'Andriamanitra azy izy tamin'ny fanohanana an'i Maria amin'ny fanabeazana an'i Jesoa.

Tohiny...

Atolotr'i Radio Don Bosco

Lohahevitra : Vaovao

Naseho ny : 12 aogositra 2021

♦ Andrasana rahampitso na amin'ny faran'ny herinandro ny fitsanganan'ny Governemanta vaovao. Mifanohitra ny fanapahan-kevitra noraisin'ny Filoha tamin'ny fampiatoana ireo Minisitra sy ny fitazonana ny Praiminisitra, hoy ny mpahay lalana Clément Jaona... ♦ Mitaky ny mangarahara amn'ny fitantanana ny volan'ny mpiasa eo anivon'ny CNaPS ny Randrana sendikaly. Nanao hetsika teny Ampefiloha ity vondrona sendika ity androany, manaoloana ireo nampiasana ny volan'io tahiry io amin'ny sehatra samihafa...

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 12 aogositra 2021

Tamin’izany andro izany, i Jesoa niteny tamin’ny mpianany nanao hoe: "Miambena àry, fa tsy fantatrareo izay tapak’andro hiavian’ny Tomponareo. Hevero tsara fa raha fantatry ny tompon-trano izay ora hiavian’ny mpangalatra, dia hiambina izy fa tsy havelany hotamîna ny tranony. Koa aoka àry ho vonona koa ianareo, fa ho avy amin’ny ora tsy ampoizinareo ny Zanak’Olona. Iza moa no mpanompo mahatoky sy hendry izay notendren’ny tompony ho mpifehy ny ankiziny, mba hanome hanina azy amin’ny fotoany? Sambatra izany mpanompo izany raha tonga ny tompony ka mahita azy manao izany; lazaiko marina aminareo fa hotendreny ho mpitantana ny fananany rehetra izy. Fa raha ratsy fanahy kosa ilay mpanompo ka manao anakampo hoe: Mbola ho ela ny tompoko vao ho avy, ka mikapoka ny mpanompo namany izy sy miara-mihinana sy misotro amin’ny mpimamo, dia ho avy amin’ny andro tsy ampoiziny sy amin’ny ora tsy fantany ny tompon’izany mpanompo izany, ka hotapahiny roa izy ary haraikiny ho any amin’ny mpihatsaravelatsihy ny anjarany; any no hisy fitomaniana sy fikitroha-nify.

Atolotr'i Rakotoarison James Daniel

Lohahevitra : Hirika

Voadika amin'ny fiteny :      

Naseho ny : 13 aogositra 2021

Manjaka ny fahapotehan'ny ala ao amin'ny tandavan'alan'Angavo, noho ny fanaovana tavy sy doro ala ka hanairan'ny mpiaro ny tontolo iainana ireo tompon'andraikitra handray fepetra. Tandindomin-doza ny famokarana manoloana izany hoy Andriamatoa Rakotondrazaka Jean de Dieu, filohan'ny fikambanana FIKITAMA, FIkambanana KIadin'ny TAntsaha Mangoro. Miharitra mantsy ny renirano manondraka ny famokarana.

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 12 aogositra 2021

Tamin’izany andro izany, i Jesoa nanao hoe: "Loza ho anareo, ry mpanora-dalàna sy Farisianina mpihatsaravelatsihy, fa tahaka ny fasana voalalotra fotsy ianareo eto ivelany ka miseho ho tsara, fa ao anatiny feno taolam-paty sy olitra. Toy izany koa, ianareo eto ivelany miseho ho marina eo imason’ny olona, nefa ao anatinareo feno fihatsarambelatsihy sy faharatsiana. Loza ho anareo, ry mpanora-dalàna sy Farisianina mpihatsaravelatsihy, fa manamboatra ny fasan’ny mpaminany ianareo sady manisy haingony ny tsangam-baton’ny olo-marina ka manao hoe: ‘Raha izahay no mba tamin’ny andron’ny razanay, dia tsy ho niray tetika taminy, handatsaka ny ran’ny mpaminany izahay.’ Koa amin’izany ny tenanareo ihany no mitsangan-ko vavolombelona fa zanak’izay namono ny mpaminany ianareo. Fenoy àry ny famaran’ny razanareo!"

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 12 aogositra 2021

Tamin’izany andro izany, nifanena tamin’i Natanaely i Filipo dia nanao taminy hoe: "Efa hitanay Ilay voalazan’i Môizy tao amin’ny Lalàna, sy nambaran’ny Mpaminany, dia i Jesoa zanak’i Jôsefa avy any Nazareta." Ka hoy i Natanaely taminy: "Moa mba mety hisy zava-tsoa va avy any Nazareta?" Dia hoy i Filipo taminy: "Avia, ary zahao." Nony nahita an’i Natanaely tamy nanatona Azy i Jesoa dia nilaza azy hoe: "Io no tena Israelita tokoa, izay tsy misy fitaka." Ka hoy i Natanaely taminy: "Ahoana no nahalalanao ahy?" Ary hoy ny navalin’i Jesoa azy: "Talohan’ny niantsoan’i Filipo anao, dia hitako tao ambanin’ny aviavy ianao." Dia namaly Azy i Natanaely, ka nanao hoe: "Raby ô, Ianao no Zanak’Andriamanitra, Ianao no Mpanjakan’i Israely." Ary hoy i Jesoa taminy: "Mino ianao, satria nilazàko fa hitako tao ambanin’ny aviavy ianao; mbola hahita zava-dehibe noho izany aza ianao." Dia hoy koa Izy: "Lazaiko marina dia marina aminareo fa hahita ny lanitra misokatra sy ny anjelin’Andriamanitra miakatra sy midina ao ambonin’ny Zanak’olona ianareo."

Atolotr'i Radio Don Bosco

Lohahevitra : Vaovao

Naseho ny : 12 aogositra 2021

♦ Nitsahatra omaly ny fe-potoam-piasan'ny ministra mandrafitra ny governemanta, tapitra omaly ihany koa ny telo andro tsy maintsy hitondrana vahaolana manoloana ny fiakaran'ny fidin'ny PPN... ♦ Mila mandinika ny fitondrana vao manapan-kevitra hametraka ny vidin'entana tena izy sy hanara-maso izay eny an-tsena... ♦ Nodimandry omaly ny Colonel Coutiti Assolant, lavon'ny aretina... 

Tohiny...

Atolotr'i Ranaivomanantsoa Harilanto

Lohahevitra : Lahatsoratry ny Evanjely

Voadika amin'ny fiteny :      

Naseho ny : 12 aogositra 2021

Tamin’izany andro izany, i Jesoa niteny nanao hoe: "Loza ho anareo mpanora-dalàna sy Farisianina mpihatsaravelatsihy fa hidianareo eo anoloan’ny olona ny fanjakan’ny lanitra; ka ny tenanareo tsy miditra, ny olona hiditra sakananareo. Loza ho anareo, mpanora-dalàna sy Farisianina mpihatsaravelatsihy, noho ianareo mitetitety ny ranomasina sy ny tanety mba hahazo mpianatra na dia iray aza; ka nony mahazo ianareo, dia ataonareo zanaky ny gehen’afo mihoatra indroa noho ianareo. Loza ho anareo, ry mpitari-dalana jamba izay manao hoe: Raha misy mianiana amin’ny tempoly, dia tsy mampaninona izany; fa raha misy mianiana amin’ny volamena izay ao amin’ny tempoly, dia voafehy izy. Ry adala sy jamba, iza no ambonimbony kokoa, ny volamena sa ny tempoly izay mahamasina ny volamena? Ary koa: Raha misy mianiana amin’ny ôtely, tsy mampaninona izany; fa raha misy mianiana amin’ny fanatitra eo amboniny, dia voafehy izy. Ry jamba, iza no ambonimbony kokoa, ny fanatitra sa ny ôtely izay mahamasina ny fanatitra? Koa amin’izany izay mianiana amin’ny ôtely, dia mianiana aminy sy amin’izay rehetra eo amboniny; izay rehetra mianiana amin’ny tempoly, dia mianiana aminy sy amin’Ilay mitoetra ao anatiny; ary izay mianiana amin’ny lanitra, dia mianiana amin’ny seza fiandrianan’Andriamanitra, sy amin’izay mipetraka eo amboniny."