Lohahevitra : Tsotra Mandavantaona
Voadika amin'ny fiteny :  Français (France)   English (United Kingdom) 

Vakiteny voalohany

Bokin’i Siràka (Sir. (Ekl.) 27, 30 - 28, 7)

Avelao ny nataon’ny namana tsy an-drariny, dia havela ny fahotanao raha mifona ianao.

Mendrika hankahalaina ny lolom-po amam-pahatezerana,
ary manana izany ny mpanota.
Izay mamaly ratsy,
dia hiharan’ny fanahin’Andriamanitra,
izay hitahiry fatratra ny fahotany.
Avelao ny nataon’ny namana tsy an-drariny,
dia havela ny fahotanao, rehefa mifona ianao.
Akory ity olona mitahiry fahatezerana amin’olon-kafa,
nefa mangataka fanasitranana amin’Andriamanitra ho an’ny tenany.
Tsy mamindra fo amin’ny olombelona namany izy,
nefa mitaraina noho ny hadisoan’ny tenany.
Izy izay nofo foana mitahiry lolom-po;
ka zovy indray no hahazo ny famelana ny fahotany?
Tsarovy ny hiafaranao, ka atsaharo ny fankahalana;
tsarovy ny hahalovana amam-pahafatesana
ary tandremo ny didy.
Tsarovy ny didy ka aza manao an-dolom-po amin’ny namana;
tsarovy ny faneken’ny Avo indrindra
ary modia tsy mahita ny fanevatevana anao.

— Izany àry ny tenin’ny Tompo.

Salamo fandinihana

Sal. 102, 1-2. 3-4. 9-10. 11-12

Mpamindra fo sy mpiantra ny Tompo, tsy malaky tezitra ary be hatsaram-po.

Isaory ny Tompo, ry fanahiko;
ny Anarany masina, ry ato anatiko rehetra!
Isaory ny Tompo, ry fanahiko:
ny soa avy aminy aza misy hadinoina.

Izy ilay mamela ny helokao rehetra,
sy manasitrana ny aretinao rehetra,
manavotra ny ainao amin’ny hady,
manototra fitiavana sy indrafo anao.

Tsy mba lalandava no ifandaharany,
na mandrakizay no ahatezerany,
Tsy araka ny otantsika no ataony antsika,
na araka ny helotsika no avaliny antsika.

Tahaka ny lanitra mambomba ny tany,
ny fitiavany mambomba ny matahotra Azy.
Tahaka ny atsinanana lavitra ny andrefana,
ny hadisoantsika halaviriny amintsika.

Vakiteny faharoa

Taratasin’i Masindahy Paoly Apôstôly ho an’ny kristianina tany Rôma (Rôm, 14, 7-9)

Ho an’ny Tompo isika na velona na maty.

Ry kristianina havana,
tsy misy velona ho an’ny tenany isika rehetra,
na misy maty ho an’ny tenany;
fa velona isika, velona ho an’ny Tompo;
maty koa, maty ho an’ny Tompo.
Koa amin’izany, na velona na maty isika,
dia ho an’ny Tompo ihany.
Satria i Kristy no maty sy velona indray,
dia ny haha-Tompon’ny maty sy ny velona Azy.

— Izany àry ny tenin’ny Tompo.

Evanjely

Aleloia. Aleloia.

Hataoko sakaiza ianareo, hoy ny Tompo; satria efa nambarako taminareo avokoa izay rehetra reko tamin’ny Raiko.

Aleloia.

Evanjely Masina nosoratan’i Masindahy Matio (Mt. 18, 21-35)

Izaho tsy milaza aminao hoe: hatramin’ny impito, fa hatramin’ny impitopolo fito.

Tamin’izany andro izany,
nanatona an’i Jesoa i Piera nanao hoe:

“Tompoko, raha diso impiry amiko moa ny namako
no tokony hamela azy aho?
Hatramin’ny impito va?”

Dia hoy i Jesoa taminy:

“Izaho tsy milaza aminao hoe hatramin’ny impito,
fa hatramin’ny impitopolo fito.
Koa amin’izany,
ny Fanjakan’ny lanitra dia tahaka ny mpanjaka anankiray
izay te hamotopototra ny toe-pananany amin’ny mpanompony;
ary raha vao nanomboka nanao izany izy,
dia nentina teo aminy ny anankiray izay ananany talenta iray alina.
Ary noho izy tsy nanan-kaloa,
dia nasain’ny tompony namidy izy sy ny vadiny aman-janany,
mbamin’ny fananany rehetra,
mba hanefana ny trosa.
Dia niankohoka ilay mpanompo,
ka nifona taminy nanao hoe:

“Mba omeo andro aho,
dia haloako daholo ny anao rehetra.”

Nangoraka ny fon’ilay tompon’izany mpanompo izany,
ka sady nandefa azy handeha no namoy ny trosa taminy.
Fa raha vao nivoaka ilay mpanompo,
dia tojo ity mpanompo namany anankiray
izay ananany denie zato;
noraisiny tamin’ny tendany ilay io
ka nokendainy nataony hoe:

“Aloavy ny trosako any aminao!”

Niankohoka ilay namany,
dia nifona taminy nanao hoe:

“Mba omeo andro aho,
dia haloako ny anao rehetra.”

Nefa tsy nety izy,
fa lasa nampanao azy an-tranomaizina,
ambara-pandoany ny trosa.
Nalahelo loatra ny mpanompo sasany nony nahita izany,
ka lasa nilaza izany rehetra izany tamin’ny tompony.
Dia nampanalain’ny tompony izy ka nilazany hoe:

“Ry mpanompo ratsy fanahy,
efa nafoiko avokoa ny trosako rehetra taminao,
noho ianao nifona tamiko;
ka moa tsy tokony hamindra fo amin’ny namanao va ianao
tahaka ny namindrako fo taminao?”

Dia tezitra ny tompony,
ka natolony ny mpampijaly izy,
ambarapandoany ny trosa rehetra.
Dia ho tahaka izany koa no hataon’ny Raiko izay any an-danitra aminareo,
raha tsy samy mamela ny rahalahinareo amin’ny fonareo avy ianareo.”

— Izany àry ny tenin’ny Tompo.

Lohahevitra : Vaovao

♦ Very hasina ny Antenimieran-doholona, hoy ny fikambanana KMF-Cnoe Fanabeazana Olom-pirenena, tao anatin'ny fanambarana nataony... ♦ Miisa dimy ireo kandidà nanatitra ny antontan-taratsy firotsahan-ko fidiana ho Filohan'ny Federasiôna Malagasin'ny Baolina Kitra... ♦ Ny 28%-n'ny lozam-pifamoivoizna amoizana ain'olona eran-tany, dia avy amin'ny kodiaran-droa avokoa...

Lohahevitra : Vaovao

♦ Notsipahan'ny HCC ny filazana fa nisy fanonganam-panjakana momba ny famindrany ny fahefana nankany amin'ny Governemanta. Nanazava ny momba izany ireo mpikamban'ity Andrim-panjakana ity... ♦ Namoaka fanambarana ny Andrimaso FFKM androany. Tsy mety, hoy izy ireo, raha ny rafi-pitsarana no mandika na mampihatra araka izay tiany ny lalàna, tamin'ny nanomezan'ny HCC fahefana ny Governemanta... ♦ Voatohintohina indray ny fahalalahan'ny asa fanaovan-gazety, teny amin'ny Lapam-panjakana Mahazoarivo androany. Noavakavahana ireo mpanao gazety afaka mandrakotra ny vaovao momba ny OMC-National...

Lohahevitra : Miara-dalana

♦ Hotanterahana ny 23 ka hatramin'ny 26 aogositra 2024 any Antsiranana ny Kôngresy Eokaristika fahatelo iombonan'ny Nosy eto Madagasikara... ♦ Manentana ny tompon'andraikitra isan'ambaratongany mba hikatsaka hatrany ny fandriampahalemana ny Fiombonan'ny Fivondronam-ben'ny Eveka eto Afrika sy Madagasikara... ♦ Manao fitsidihana any Chine i Mgr Zuppi, Iraka manokan'ny Papa François...

Lohahevitra : Hirika
Voadika amin'ny fiteny :  Français (France) 

Namolavola mari-pamantarana Label Soa Far ho an'ireo Foibem-panofanana mivondrona ao aminy ny tambazotra FARMADA. Miisa 13 ny ivon-toerana efa nisitraka izany. Nitondra anjara biriky lehibe amin'ny fanatsaràna ny kalitaom-pampiofanana atolotra ny tanora sy ny tantsaha hanabe voa ny famokarana ara-pambolena sy ny eny ambanivohitra teto amintsika ny Tambazotra FARMADA. Marika entina manavaka ny ivon-toeram-panofanana, izay mitondra fanatsaràna sy manavao ny rafitra ao aminy ny Label Soa Far...

Lohahevitra : Vaovao

♦ Nihaona tamin'ny Filohan'ny Antenimieran-doholona ireo kandidà ho filoham-pirenena miisa folo nanao fanambarana ny tsy fankasitrahany fanapahan-kevitry ny Fitsaràna Avo momba ny Lalàm-panorenana. Fandraisana nihainoana azy ireo no natao hoy Andriamatoa Razafimahefa Herimanana... ♦ Mbola tsy hihatra amin'i Madagasikara aloha ilay fepetra vaovaon'ny vondrona Eraopeana tokony hiatra rahampitso momba ny lavanila afaran'izy ireo. Omana hatramin'i volana Janoary 2024 isika tsy hahatapaka ny fanondranana... ♦ Ho tanterahana ny 25 hatramin'ny 28 oktobra 2023 eny amin'ny kianja ny Barea Mahamasina ny hay ranty "Voatra" andiany faha-10 ; hetsika karakarain'ny antenimieran'ny varotra sy ny Indostria Antananarivo...

Lohahevitra : Miaina sy mitia
Voadika amin'ny fiteny :  Français (France) 

Tena misy fiantraikany amin'ny manodidina azy ny fifandraisan'ny mpivady, na akaiky izany na lavitra. Mbola antontan'isa vokatry ny fandinihana ny fiaraha-monina ihany no nahitana fa ny mpivady iray manana fifandraisana tsara eo amin-dry zareo dia mahatarika mpivady 12 hafa hanana fifandraisana tsara ihany koa. Betsaka ny soatoavina avy amin'ny fampianaran'ny Eglizy, ary azo entina miaina tsara. Fandaharana "miaina sy mitia" iarahana amin'ny ivon-toerana Arrupe Madagasikara.

Lohahevitra : Vaovao

♦ Tsy mahatoky ny Fitsaràna Avo momba ny Lalam-panorenena intsony ireo kandidà amin'ny fifidianana filoham-pirenena miisa folo manoloana ny didy navoakany. Miantso ny FFKM izy ireo manoloana izao zava-misy izao... ♦ Nanao ny filankevitry ny ministra voalohany omaly ny Governemanta Ifarimbonana. Eny amin'ny lapam-panjakàna Mahazoarivo no hanaovana ny filan-kevitry ny ministra manomboka izao... ♦ Vao maika hanimba ny fampianarana ambaratonga ambony ny famonoana afo hanerena ny famaranana ny taom-pianarana 2022 sy 2023, eny amin'ny oniversiten'Antananarivo hoy ny SECES...

Lohahevitra : Vaovao

♦ Nanao fanambarana miaraka androany, ireo kandidà 10 amin'ny 13 amin'ny fifidianana izay ho Filoham-pirenena. Milaza ho tsy matoky ny HCC intsony izy ireo, satria mitanila amina kandidà sy miray tsikombakomba amin'ny Governemanta... ♦ Notsikerain'ny SECES ny fitakian'ny filan-kevitra siantifika, hamaranana ny taom-pianarana eny Ankatso. Vao mainka hanimba ny fampianarana ny famonoana afo ataon'ireo mpitantana, ho ny Sendikan'ny mpampianatra mpikaroka...

Lohahevitra : Vaovao

♦ Fanampiana hatrany amin'ny 12,6 miliara ariary no omen'ny fitondrana Indiana an'i Madagasikara. Ahakasika sehatr'asa maro, mipaka mivantana amin'ny fiainam-bahoaka, ireo tetikasa hampiasana izany vola izany...  ♦ Efa fiaraha-mientana ankehitriny ny telo tonta, eo amin'ny tontolon'ny asa, dia ny solon-tenan'ny governemanta, ny solon-tenan'ny mpiasa, ary ny solontenan'ny mpiasa, amin'ny fampiharana ny lalànan'ny asa, raha toa ka ny mifanohitra amin'izany no nisy hatramin'izay... ♦ "Fanabeazana ho an'ny rehetra sy tsara kalitao" no filamatry ny fanabeazam-pirenena amin'ity taona ity. Natomboka ôfisialy tany Antsirabe omaly ny taom-pianarana 2023-2024 eto Madagasikara...

Lohahevitra : Mba ho vanona
Voadika amin'ny fiteny :  Français (France) 

Anatin'ny vanim-potoana ialohan'ny fifidianana isika izao. Ny safidy no hahafahana mandray andraikitra eo amin'ny lafim-piainana rehetra, koa mahaiza mifidy dia hahazo sy hahita fahafaham-po ianao. Fandaharana "mba ho vanona" iarahana amin'ny jeneraly Désiré Ramakavelo.

Lohahevitra : Vaovao

♦ Hamoaka ny atao hoe "Manuel de l'Expert" ireo manam-pahaizana manokana miara-miasa amin'ny Fitsarana, ahafantaran'ny olona ny ilàna azy ireo amin'ny raharaham-pitsarana... ♦ Anatain'ny fandinihana, ka hirosoana amin'ny fankatoavana, ny volavolan-dalàna momba ny angovo azo avy amin'ny akora biôlôjika sy mikajy ny tontolo iainana na ny BioEnergie, izay ho ampiharina eto Madagasikara... ♦ Mila miray hina amin'ny fandraisana fanapahan-kevitra amin'ny fitantanana ny firenena ny governemanta hoy ny mpandinika fiaraha-monina iray, raha tiana hisy ny fifidianana anatin'ny fitoniana sy ny filaminana...

Sous-catégories

Malagasy

Miara-dàlana] Alatsianiny 29 septambra 2025

• Nanentana ny kristianina rehetra, hivavaka sy handini-tena, ny avy eo anivon'ny Fiombonan'ny Fiangonana Kristianina eto Madagasikara, tamin'ny hafatra navoakan'izy ireo ny zoma 26 septambra 2025... • Tontosa ny sabotsy 27 septambra 2025, ny famindrana ny taolambalon'i Mompera Vladimir, izay tany amin'ny Diosezin'i Toamasina, ho ao amin'ny fasan'ny Fikambanana ao Ambohidratrimo Antananarivo... • Notontosaina ny sabotsy 27 septambra 2025 ny fitsofan-drano ny fasana ary ny famindrana ireo pretra sy frefra miisa 13 efa nialoha lalana, teny amin'ny Monasitera Masina Maria Ambohimanjakarano Mahitsy...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...