Père Luca
Mompera Luca Treglia

Talen'ny Radio nanomboka ny 1996 hatramin'ny 1998,
avy eo ny taona 2006 hatramin'ny 2015.

Père Mimo
Mompera Cosimo Alvati

Talen'ny Radio nanomboka 1998 hatramin'ny 2006.

Père Franck
Mompera Franck Randriamiandrinirinarivo

Talen'ny Radio nanomboka ny taona 2015.

Anniversary
On air
Radio Don Bosco

Plus je l'écoute, plus je l'aime

previous arrow
next arrow

Zoma 09 ôktôbra 2020 — Herinandro faha-27 mandavantaona — Evanjely Masina nosoratan'i Masindahy Lioka 11, 15-26 — I Jesoa Kristy Mpamonjy antsika no nanafoana ny fahafatesana sy nanambara ny fiainana tamin’ny Evanjely.

0 : 00

Ry havana, rentsika tamin’ny Evanjely teo fa tsy fanahy madio ihany no misy eto amin’ity tontolo ity fa miahoaho eny amin’ny rehetra eny ary mitady izay hitoerany ny fanahy maloto. Mila miaro tena ny amin’izany isika, ka anisan’ny tsara indrindra amin’ny fiarovan-tena dia ny fialofana eo ambany rantsan-tanan’Andriamanitra, izany hoe eo ambany fahefan’Andriamanitra sy ny heriny. Hoy mantsy i Masindahy Paoly hoe : velona isika ho an’ny Tompo, ary maty isika ho an’ny Tompo. Araka izany, mila tandrovana toy ny anakandriamaso ny fahadiovantsika eo anatrehan’Andriamanitra ary raha sanatria miseho ny fahalemena maha olombelona ka tapaka ny fihavanana amin’Andriamanitra dia mila averina amin’ny laoniny faran’izay haingana izany amin’ny alalan’ny sakramenta eo anivon’ny Eglizy ary raha sendran’ny asan’ny demony, dia ny fanatonana ireo olona nomena fahefana manokana amin’izany raharaha fandroahana demony izany no atao.

Tandremo fa efa be ny mpanararaotra ankehitriny, milaza ho mpandroaka demony. Ho antsika katôkika, misy mpandraharaha masina efa natokana amin’izany, ireny no atonina. Raha lazaina amin’ny teny hafa dia hoe : aza omena hirika eo amin’ny fiteninao, amin’ny fitafinao, eo amin’ny fianakavianao, eo amin’ny vondrona misy anao ny demony. Mazava anie ny tenin’i Kristy, “izay tsy momba ahy dia manohitra ahy”, hoy Izy. Koa isika izay eo ambany fiarovany sy ny fitantanany àry dia mpanaraka Azy, fa tsy mpanohitra ny Teniny isika. Aoka àry, araka izany tsy ho titre na anarana entim-poana ny maha an’i Kristy antsika. Raha tsy mitandrina manko sy tsy miaro tena araka ny voalaza etsy ambony dia fiainana ratsy kokoa hatrany no sandan’izany : saritsarim-pahasambarana mifono fahoriana amam-pahafatesana mandrakizay.

[Miara-dalana] Alatsinainy 2 aogositra 2021

♦ Tovovavy fito no nanonona ny voady voalohany tao amin'ny Fikambanan'ny Masera Fo Madion'i Maria avy ao Diégo-Suarez, tao amin'ny Diôsezin'Antsiranana... ♦ Nanofana ireo ekipa fototra any amin'ny Diôsezin'Ambaja ny Ekipa Nasionaly FIFAKRI... ♦ Noraisin'ny Diosezin'Ambatondrazaka ny 1 aogositra 2021 i Mgr Gabriel Randrianantenaina...

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Entanin'ny fanantenana isika

Nivoaka tamin'ny 29 desambra 2020 ny fanazavana ofisaly ny teny fanentanan'i P. Ángel Fernández Artime, Recteur Majeur, ho an'ny taona 2021, mitondra ny lohateny ho : "Entanin'ny fananteanana isika : indro havaoziko ny zavatra rehetra" (Ap 21,5). Efa  nadika amin'ny fiteny dimy samihafa izy io: italianina, anglisy, espanola, portogey ary frantsay.

Tohiny...