Ny tanora dia ireo sokajin'olona eo ampanomanana ny fiainan'ny sy ny ho aviny, izany hoe ireo eo anelanelan'ny salan-taonan'ny ankizy sy ny olon-dehibe. Ny olon-dehibe dia 20 taona mahery ara-batana, mahaleo tena efa manana ny asany, matotra, manana ankohonana. Ny fanambin'ny vaninandro ankehitriny, ho an'ny tanora dia ny fanampiana ny fianakaviana amin'ny asa fanao, miezaka ny hanana fitondran-tena matotra, sahy hiatrika ny ho avy. Fandaharana "ampela miary" tontosaina eto amin'ny radio Don Bosco.

Ny "infections urinaires" dia aretin'ny taova mpanivana sy mpanangona ary ny fantsona mpamoaka ny amany eo amin'ny olona iray. Ny olona salama dia tsy tokony hatsapa mangirifiry na mangididy rehefa mamany. Ity aretina ity dia mety hakasika ny voa sy ireo fantsona mampifandray io taova io amin'ny fantson'amany. Ny vehivavy no tena maro tratran'ity aretina ity noho ny taova fantsona ivoahan'ny amany sy ny lalan-jaza, ary ny lava-body, mifanakaiky loatra... Fandaharana "andriano ny fahasalamana" iarahana amin'ny Radio Don Bosco.

Loza mitatao ho an'ny fambolem-bary eto Madagasikara ny aretim-bary ateraky ny bakteria ka mila ny fiaraha-mientan'ny mpisehatra rehetra ny ady atao aminy. Miparitaka amin'ny faritra maro eto amin'ny nosy ankehitriny ny aretina malazo ravina na ny BLB sy ny aretina tsipika amin'ny ravina na ny BRS raha toa ka ny volana desambra 2019 no nahitan'ny mpikaroka voalohny azy teto Madagasikara.

Tsara ary ilaina ny mamboly hazo. Tokony atao ny fambolen-kazo izay tokony hanaraka ny fenitra ara-teknika mba hampahomby sy hatratrarana ny tanjona. Anjara biriky ny tsirairay amin'ny fikajiana ny tranobe iombonana ny fambolen-kazo. Ilaina ny fandraisana andraikitry ny tsirairay amin'ny fanjohina ny fambolen-kazo natao, ahafantarana ny vokatra azo. Fandaharana "miaina sy mitia" iarahana amin'ny Ivon-toerana Arrupe Madagasikara.

Sous-catégories

Andriano ny fahasalamana

Miaina sy mitia

[Miara-dàlana] Alatsinainy 16 desambra 2024

  • Hisokatra ho an'ny olon-drehetra manomboka ny 26 desambra 2024, ny fiofanana mikasika ny “Accompagnement spirituel” sy ny “Discernement spirituel”, karakarain'ny Fikambanan'ny Masera Cénacle eto Madagasikara...
  • Mbola ao anatin'ny fankalazana ny faha-150 nahaterahan'i Masimbavy Terezin'i Jesoa Zazakely ny Fikambanan'i Karmely eto Madagasikara ankehitriny. Noho izany, mikarakara lalao fifaninana ny fikambanana...
  • Nihaona tamin'ireo olom-boatokana tany Corse ny Papa François ny alahady 15 desambra 2024, nandritra ny fitsidihana nataony tany...
Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...