Lohahevitra : Tantara

Naka rivotra any Iarivo hisaintsaina ny zava-misy eo anivon'ny tokantranony ny mpanoratra, niaraka tamin'ny zanany kely indrindra. Tao anatin'izany no nifanenany tamin'ny iray tamin'ireo mpiara-mianatra taminy fahiny, ka nahatsapany ny fahasamihafan'ny fisainan'ny olombelona. Saingy na samy manana ny fisainany aza ny olombelona, rehefa ampifanojoan'ny fitiavana dia mifanatona.

Lohahevitra : Tantara

Mpifankatia i Faly sy Rebeca. Ary ho an'i Rebeca dia satriny hiroso amin'ny fanambadiana avy hatrany na dia vao telo volana monja aza no nifankatiavan'izy ireo. Nasain'i Toky hiara-hisakafo aminy tany amin'ny restaurant toy ny fanaony i Tsiky, manana tanjona haka vady azy i Toky, na dia tsy miraika firy ny amin'izany aza i Tsiky. I Toky izay tsy manana anton'asa mazava fa dia mivelona amin'ny asa an-tselika eny rehetra eny, ary indraindray aza toa asa maizina tsy mazavazava mihitsy.

Lohahevitra : Tantara

Tonga eo amin'ny kihon-dàlana itrangan'ny fandrika iray mahasolafaka ny fiainan'ny mpanoratra, fandrika mahasolafaka heveriny fa ozona mandrafitra ny fiainany, eto dia ny tsy fifanandrifian'izay nokasainy sy izay mitranga eo amin'ny fiainam-panambadiany no isehoan'ny fandrika.

Lohahevitra : Tantara

Efapolo taona ny sazin'i Solenge eny am-ponja. Nampihombo be ny aretim-po nahazo an'i Njaka ny fahafantarana fa efa maty i Hanitra zanany. Nandao azy any amin'ny varotsimifody avokoa ireo olo-malalany rehetra : ny ray sy reniny, ny vady aman-janany. Mangidy ho azy ny fiainana. Tafaverina any aminy ireo ambina volamena mbola hita tany amin-dRasedy. Nozarain'i Njaka tamin'i Jaona sy i Nary ny antsasak'ireo volamena, ary natsangany ho zanany handova azy izy ireo ka nanaiky avy hatrany i Jaona fa i Nary kosa mbola hiera amin'ireo ray aman-dreniny.

[Miara-dàlana] Zoma 3 mey 2024

♦ Notendren'ny Papa François ho Evekan'ny Diôsezin'i Maintirano, i P. Rakotoasimbola Clément Herizo, Misiôneran'ny Lasalety, Vicaire délégué de l'Administrateur Apostolique ao Maintirano ankehitriny... ♦ Ankalazaina amin'ity taona 2024 ity ny faha-150 taona niorenan'ny fikambanan-dry Masera Saint Paul de Fribourg ka hisy ny fanamarihana izany amin'ny volana jona ho avy izao... ♦ Aina mitantana ny fiainan'ny kristianina sy mitarika aza hanara-dia an'i Kristy ny finoana, hoy ny Papa François, nandritra ny fampianarany tamin'ny Audience générale, ny alarobia teo...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...