- Eto izao ianao :
-
Fandraisana
-
Fandaharana
-
Fanabeazana
- Miaina sy mitia
- Atolotr'i Radio Don Bosco
- Lohahevitra : Miaina sy mitia
-
Voadika amin'ny fiteny :
Natao hampivelatra ny mahaolona ny fahalalana. Mila fahendrena nefa izany, mba ho fanovozan-tsoa ho an'ny tena sy ny hafa ilay fahalalana, ary hitondra any amin'ny fampandrosoana. Ny fahendrena no itsanganan'ny trano, ary ny fahalalana no iorenany mafy ; Ny fahaizana no amenoana ny ao anatiny, amin'ny harena soa sy mahafinaritra rehetra. (Ohabolana 24, 3-4).
- Atolotr'i Radio Don Bosco
- Lohahevitra : Miaina sy mitia
-
Voadika amin'ny fiteny :
Maro ny fanamby atrehintsika amin'ny angovo sy ny fikajiana ny tontolo iainana. Anisan'ny vahaolana voalohany, ny fahafantarana ny filàna sy ny tahan'ny angovo ampiasaina ao an-tokantrano mba ahafahana mitantana azy. Anisan'ny vahaolana naroso teto amin'ny fandaharana ihany koa ny fampiasana ny arina azo avy amin'ny volobe "bambou". Tombotsoa maro no azo avy aminy : kely ny "carbone" avoakany, vetivety dia mafana ka mitsitsy fotoana, tsy mandoto ary mora vidy.
- Atolotr'i Radio Don Bosco
- Lohahevitra : Miaina sy mitia
-
Voadika amin'ny fiteny :
Ny tanjon'ny fanambadiana dia ny fiainan'ny mpivady ny fifankatiavana maharitra. Ao anatin'ny voadin'ny fanekena ny hoe "na inon-kidona na inon-kihatra, na an-kasoavana na an-karatsiana". Mamelona ny fifankatiavana ny fiainana izany miaraka : miara-dalana mba hamelo-maso ilay fifankatiavana hatramin'ny voalohany, ka hahatonga izany ho lavorary ho an'ny tanjona iombonana.
- Atolotr'i Radio Don Bosco
- Lohahevitra : Miaina sy mitia
-
Voadika amin'ny fiteny :
Mbola ao anatin'ny fanentanana ny olona hamboly hazo isika, isan'ireny ny hazo fihinam-boa, ny zava-maniry fanao fanafody. Fiarovana ny tontolo iainana tsara indrindra ny fambolena hazo ka noho izany dia tokony ho karakaraina izay hazo novolentsika. Ny hazo malagasy dia maintso sy mando mandavan-taona ny manodidina azy, ary mety ho an'ny fikolokoloina ny tontolo iainana. Ny fikarakarana ny hazo voavoly dia miainga amin'ny aro afo, avy eo ny fanomezana zezeika, ary tsy adinoina ny fanondrahana araka izay tratra, amin'ny alalan'ny fampiasana tavoahangy "plastique" milavaka, ka io no mitete manamando azy.
[Miara-dàlana] Alatsinainy 6 oktobra 2025
• Namaly ny antso avo nataon'ny Papa Léon XIV ny Fivondronamben'ny Eveka eto Madagasikara, ka nanentana ny vahoaka kristianina rehetra hivavaka sy hifady haninana ho an'ny fandriampahalemana eto Madagasikara sy maneran-tany, ny sabotsy 11 oktobra 2025... • Nanao antso avo hampitsaharana ny ady any Gaza sy nitalaho ny mba hisian'ny fandriampahalemana marina sy maharitra, ny Papa Léon XIV, mialoha ny vavaka Angelus omaly... • Vita sonia ny sabotsy teo ny Fanentanana Apostolika voalohany, nosoratan'ny Papa Léon XIV...
Tohiny...Tsy misy afaka manavotra antsika afa-tsy Andriamanitra
I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2025 Radio Don Bosco