- Eto izao ianao :
-
Fandraisana
-
Pastôraly
- Hono hoy aho Mompera
- Atolotr'i Radio Don Bosco
- Lohahevitra : Hono hoy aho Mompera ?
-
Voadika amin'ny fiteny :
Zava-dehibe ny ady amin'ny fialonana sy ny fifankahalana eo amin'ny fiainana andavanandro satria ireo no miteraka ny lonilona maro, izay tsy mendrika ny kristiana. Hoy Mgr Gilbert Ramanantoanina : rehefa manao zavatra dia ataovy amin'ny fitiavana sy amin-kitsipo tokoa. Manoloana izao fiomanana amin'ny fiavian'ny Tompo izao dia aoka isika hiezaka hanadio ny ati-fo : miala amin'ny lainga, fiavonavonana, herisetra... Manana adidy lehibe ny kongresin'ny Eglizy Kristiana maneran-tany mba hanentana ny olona hitodika bebe kokoa amin'Andriamanitra amin'izao vanim-potoanan'ny fiomanana amin'ny fiavian'ny Tompo izao...
- Atolotr'i Radio Don Bosco
- Lohahevitra : Hono hoy aho Mompera ?
-
Voadika amin'ny fiteny :
Ny Kristiana, ny ankizy, tanora, lehibe dia manana adidy hiaro sy hanompo ny firenena, satria ny asa famokarana sy ny fampitomboana tahirin-karena faobe no hany lalana tokana hampandroso antsika sy ny fanjakan'Andriamanitra. Mila fitoniana ny firenena mba afahana mamokatra sy mifanampy anaty firaisan-kina. Ny tsy fandoavan-ketra sy ny kolikoly, ny fanararaotam-pahefana, ny fitiavan-tena, ny tsy fandriam-pahalemana, ny tsy fisian'ny fandoavana ny fiahiana ara-tsosialy hatramin'ny taona 1975, ny tsy firaharahiana ny soa iombonana sy ny fananana iombonana no fototra manimba ity firenena ity.
- Atolotr'i Radio Don Bosco
- Lohahevitra : Hono hoy aho Mompera ?
-
Voadika amin'ny fiteny :
Ny voalohany dia ny hatanterahan'ny faminanian'i Simeona : ho tanterahin-tsabatra ny fonao ; ny faharoa ny fandosirana tany Ejipta ; fahatelo dia i Jesoa very tao an-tempoly tamin'ny faharoa ambin'ny folo taoanan'i Jesoa ary nalahelo izy ; ny fahaefatra dia i Jesoa mitondra ny hazo fijaliana, ontsa ny fony nahita ny fijalian'ny zanany i Masina Maria ; fahadimy Masina Maria nijoro teo am-pototry ny hazo fijaliana ka nandre ny tenin'i Jesoa hoe : rahavehivavy indro ny zanakao, ary tamin'ny mpianany hoe : indro ny reninao ; ny fahaenina dia ny nampidinana ny fatin'i Jesoa teo amin'ny hazo fijaliana ka nandraisan'i Masina Maria azy teo an-tratrany ; ny fahafito dia ny fandevenana an'i Jesoa tao am-pasana.
- Atolotr'i Radio Don Bosco
- Lohahevitra : Hono hoy aho Mompera ?
-
Voadika amin'ny fiteny :
Ny fiangonana mampianatra mikasika ny fiaraha-monina sy ny hay fitantanana ary ny fitandroana ny rariny sy ny hitsiny ho an'ny vahoaka. Ny fiangonana dia mampianatra fa ny fahefana rehetra dia avy amin'Andriamanitra, natao hikatsaka ny soa iombonana ary ihany koa tsy manavakavaka ; mifanaja sy mifampitaona ho amin'ny fiombonana sy ny fihavanana.
[Miara-dàlana] Alatsinainy 15 aprily 2024
♦ Tontosa omaly ny fanamasinana ho Evekan'ny Diôsezin'i Morombe an'i Mgr Jean Désiré Razafinrina... ♦ Nanatontosa fivoriambe, ireo relijozy rehetra miasa ao amin'ny Diôsezin'Ambanja tamin'ny 4 hatramin'ny 7 aprily 2024... ♦ Hotanterahana ao Vohipeno, toerana naha martiry an'i Ramose Botovasoa, Olontsambatra, ny fanokafana ny taon-jobily fahatelo nandraisan'i Masindahy François ny fery dimin'i Kristy...
Tohiny...Famantarana ny fitiavan'Andriamanitra antsika ny Noely
Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2024 Radio Don Bosco