• Eto izao ianao :  
  • Fandraisana

Nahazo tohana ara-pitaovana ampiroboroboana ny fiompiana sy ny famokarana tantely ao aminy ireo tantsaha nisitraka fiofanana ao amin'ny Fikambanana Filamatra Soa Iombonana na ny FISOI ao amin'ny Kaominina Mahintsy sy ny Soa Mitsinjo ao amin'ny Kaominina Antanetibe-Mahazaza ato amin'ny distrikan'Ambohidratrimo...

Ny fadim-bolana dia toe-javatra iray iainan'ny vehivavy ary tafiditra ao anatin'ny fitombony ara-boajanahary. Raha atao ny kajy dia 7 taona no fitambaran'ny andro hisian'ny fadim-bolana, ao anatin'ny fiainany ny vehivavy iray. Maro ny hevi-dso sy finoanoam-poana ary tsy fahalalana manodidina izany hany ka mahaonga fanavakavahana sy fanilikilihana azy ireo, ka miteraka ny fanitsakitsahana ny maha-olona. Koa ilaina noho izany ny fampahafantarana sy ny fanabeazana. Fandaharana "miaina sy mitia" eto amin'ny radio Don Bosco, iarahana amin'ny Ivon-toerana Arrupe Madagasikara.

Araka ny lalàn'ny Eglizy, "code de droit canonique" tamin'ny taona 1983 ; ao amin'ny Canon 1083 § 1 dia voafaritra mazava tsara fa 14 taona ho an'ny vehivavy ary 16 taona ho an'ny lehilahy, ireo no taona kely sy ambany indrindra hahafahana miroso amin'ny mariazy. Raha sanatria ka lasa alohan'ireo taona faritan'i Eveka tompon-toerana dia tsy maintsy maka fahazoan-dalana manokana. Katesizy momba ny tanora miteraka aloha loatra, mialoha ny fanambadiana, iarahana amin'i P. Marc Ramiandrasoa.

♦ Mety ho maro an'isa eny amin'ny Antenimieram-pirenena ny depiote avy amin'ny lisitra tsy miankina, raha ny fironam-bokatra nivoaka. Tsy afaka hanolotra izay ho Praiminisitra anefa izy ireo, raha izany no misy... ♦ Manomboka mandray fitoriana momba ireo tsy fanarahan-dalàna nandritra ny fifidianana Solombavam-bahoaka ny HCC. Efa naharay fitoriana anankiray izy ireo androany... ♦ Nanaovana antso tolo-bidy ny Hôtel 5 Etoiles ety Ivato, ahafahana manokatra ity trano fandraisam-bahiny lehibe ity. Efa maro ireo namaly izany, hoy ny Minisitry ny Fizahan-tany sy ny Asa tànana...

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...