Notanterahina ny 2 hatramin’ny 27 aogositra lasa teo ny "FY DON BOSCO" tamin’ity taona 2020-2021 ity. Lohahevitra nodinihana manokana tamin’izany ny hoe "Entanin’ny fanantenana isika", "indro havaoziko ny zavatra rehetra" (Ap 21, 5). Isan-taona, ny tontolo salezianina eto Madagasikara dia mikarakara an’io hetsika "FY DON BOSCO" io, atao mandritra ny fialan-tsasatra.

Natao indrindra izy io ho an’ireo tanora mba hahatonga azy ireo tsy hirenireny foana na hanjeny. Hoy mantsy i Don Bosco : "ny fotoana fialan-tsasatra no fotoana indridra fanararaotan’ny demony", ka mila manao zavatra ny tanora araka izany mba tsy hidonanam-poana.

Ho an’ny ankohonam-piainana salezianina eto Madagasikara manokana dia nanatanteraka an’izany ny Oratorio tsirairay any amin’ny faritra. Raha ho an’ny Mahajanga sy Ivato manokana dia nanomboka ny azy izy ireo ny 9 aogositra lasa teo, na dia tara herinandro tamin’ny fotoana nomen’ny PEPS (Projet Educatif et Pastoral Salésien) aza. Noferana ny isan’ny mpandray anjara tamin’ity taona ity satria dia 400 ihany no noraisina raha toa ka manodidina ny 700 izy ireo ny taona 2018. Raha ho an’ny Mahajanga manokana dia nahitana mpandray anjara manana fahasembanana tamin’ity taona ity.

Fa inona marina ity FY izay resahana ity ?

Ny FY DON BOSCO dia fomba anankiray entina manabe manontolo : ara-batana, ara-panahy, ara-tsaina ireo ankizy sy tanora eo anelanelan’ny valo ka hatramin’ny sivy ambin’ny folo taona. Ho an’ireo maherin’ny 19 taona kosa, dia raisina ho mpanabe izy ireo raha mazoto sy mahafeno ny fepetra. Tsara marihina fa ny ankohonam-pianinana tsirairay dia samy mandrindra sy mampandeha ny azy arakaraka ny zava-misy eny an-toerana na dia misy aza ny torolalana avy amin’ny faritra sy ny mpikarakara ny asa patoraly eo an-toerana. Tetsy andanin’izany anefa dia somary nanano sarotra ny fikarakarana tamin’ity taona ity noho ny olana ara-pahasalamana izay misy ankehitriny. Vokatr’izany dia vitsy sy noferana ireo mpandray anjara.

Kanefa na dia teo aza izany olana isan-karazany izany dia azo lazaina ho afa-po ny tsirairay, na ny ankizy, na ny tanora, eny fa na dia ireo ray amn-dreniny izay nasaina tamin’ny famaranana aza dia afa-po tanteraka noho ny ezaka sy ny herim-po izay nananan’ireto mpakafy sy mpanabe ireto.

Tsara ho marihina fa ny tanjom-panabeazana tian’ny salezianina hotratrarina amin’ity hetsika ity dia ny hoe : "Ho olompirenena vanona sy ho kristianina mendrika".

[Miara-dalana] Zoma 1 jolay 2022

♦ Notontosaina ny 29 sy 30 jona 2022 ny fihaonana voalohany ho an'ireo Ekipa nasiônaly, namondronana ireo valim-panontaniana rehetra manodidina ny Sinaodin'ny Eveka... ♦ Hotontosaina ny 9 sy 10 jolay 2022 ny fivoriana faharoa ho an'ny Filankevitra Fitondrana ny Vahoakan'Andriamanitra, eto amin'ny Diôsezin'Antananarivo, eny amin'ny FTMTK Ambohipo... ♦ "Aza manao hoe zaza aho, fa handeha any amin'izay hanirahako anao ianao" (Jer. 1, 7a). Io no teny manentana amin'ny fanatanterahana ny Andron'ny Ankizy eny amin'ny FTMTK sy ny Seminera zandriny Ambohipo, nanomboka androany...

Tohiny...

Fitiavana sy famonjena

Hafaliana lehibe ny Noely satria ny fitiavan'Andriamanitra no tonga amintsika, hoy i P. Bizimana Innocent, Lehiben'ny Fikambanana Salezianin'i Don Bosco eto Madagasikara sy ny Nosy Maurice, tamin'ny firarian-tsoan'ny Noely 2021. Tonga ny famonjena izay midika tsy faharahavan'ny fiainana. Io fitiavana sy famonjena io no irariana hanjaka ao amin'ny fiainantsika, ka hifanampy mba hiainan'ny fiadanana sy ny fandriampahalemana.

Tohiny...

Am-pitiavana ny zavatra rehetra

Natolotr'i P. Angèl Artime Fernandez, Lehiben'ny Fikambanana salezianina maneran-tany, amin'ity horonan-tsary ity ny teny fanentanana ho an'ny taona 2022, nampitondrainy ny lohateny hoe : "Ataovy am-pitiavana ny zavatra rehetra, ialao ny an-tery". Hevi-dehibe, izay ifandraisan'i Masindahy François de Sales sy i Don Bosco no hazavainy amin'izany : ialao ny an-tery, Andriamanitra ao amin'ny fon'olombelona, ny fiainana ao amin'Andriamanitra, ny halemem-panahy sy toetra maha-te ho tia eo amin'ny fifandraisna, ny Fitiavana tsy misy fepetra sy tsy misy fetra, ny maha zava-dehibe ny fitantanana am-panahy, am-pitiavana ny zavatra rehetra.

Tohiny...