• Eto izao ianao :  
  • Fandraisana
  • Filazam-baovao
  • Vaovaon'ny RDB

Lohahevitra : Vaovao

♦ Nampanantena hanolotra angidimby hiaka farany ho an'ny Tafika Malagasy, ny Filohan'ny Repoblika, Rajoelina Andry, nandritra ny fanamarihana ny fetin'i Masina Misely, mpiaro ny mpilatsaka an'elonaina... ♦ Niharan'ny fanafihan-dahalo indroa miantaona ny tany Bekopaka. Mamerina hatrany ny antso avo ho fanampiana sy fampitaovana ireo mpitandro ny filaminana any an-toerana ny Ben'ny tanana teo aloha any Bekopaka... ♦ Foana ny fampiharana ilay famerana ny vidin'entana farany ambony nataon'ny Minisiteran'ny Indostria sy ny Varotra ary ny Fanjifana...

Lohahevitra : Vaovao

♦ Niteraka fahatapahan-dalana maharitra teny Ampasika androany, ny fakan'ny Polisy Monisipaly ireo sarety efatra mpitondra ranon-tany. Niteraka ny fahatezeran'ireo olona nandalo manodidina izany, ka notapahan'izy ireo ny fifamoivoizana...♦ Hahazo angidimby hiaka farany avy amin'ny fitondram-panjakana ny Tafika Malagasy, ho fampitaovana azy ireo... ♦ Hangonina manomboka izao ireo fitaovaka elektrônika, toy ny finday tsy miasa intsony, ho fiarovana ny tontolo iainana. Handray izany eny amin'ireo masoivohony manerana ny nosy, ny orinasa Telma...

Lohahevitra : Vaovao

♦ Hotanterahana eto an-drenivohitra ny 7 ôktobra izao ny fikaonandoham-pirenena hanarenana ny asa tanana eto Madagasikara. Hamaritana ny paik'ady vaovao hampiroboroboana ny famoronana asa amin'ny alalan'ny sehatry ny asa tanana ny tsoa-kevitra hivoaka amin'izany... ♦ Homarihana ny 08 oktobra izao ny ivon'ny fankalazana ny faha 30 taonan'ny FAFIALA. Hotokanana amin'io andro io ny tsangambaton'ny faha-30 taona, dia fotodrafitr'asa tranon-dandy... ♦ Hampiditra mpiasa antselika hanampy ireo mpiasa ao aminy ny tranom-pirintim-pirenena noho ny fahavitsian'ny mpiasa kanefa ny asa atao mitombo hatrany hoy ny tompon'andraikitra...

Lohahevitra : Vaovao

♦ Tsy eken'ny SYNAD ny fakan-kevitra amin'ny olom-boafidy mialoha ny fanendrena na famindran-toerana ireo mpiasam-panjakàna. Fanambarana nandritra ny fivoriambe tsy ara-potoana omaly... ♦ Tsy mbola misy voakitiky ny afo ireo angonoka izay arovana ao anatin'ny faritra voaaro any Soalala, hoy ny ministeran'ny tontolo iainana sy ny fandrosoana lovain-jafy. Vaovao diso ireo mivoaka amin'ny tambazotra sôsialy milaza fa maro ny biby arovana may any an-toerana... ♦ Tsy maintsy narafitra amin'ny "béton" ireo Tranovola sy Lapan'i Manampisoa ao anatin'ny Rovan'Antananarivo ho fisorohana ny loza mitatao amin'ny vakoka, hoy ny ôfisy misahana ny fanarenana...

[Miara-dàlana] Zoma 29 aogositra 2025

• Olon-dehibe mijoro amin'ny finoana sy fanantenana Kristianina, hampanjaka ny fahamarinana sy ny fitiavana eo amin'ny fiarahamonina sy ny tontolo iainana. Io teny manentana ny Andro Nasionaly ho an'ny Olon-dehibe andiany faharoa io no nantintranterin'i Mgr Jean Nicolas Rakotojaona nandritra ny fanokafana izany tany amin'ny Diosezin'i Morondava... • Samy ao anatin'ny fanatanterahana ny Andron'ny Tanora isan-diosezy ihany koa ny ao amin'ny Diosezin'i Fianarantsoa sy Port-Bergé, izay hifarana ny alahady izao...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...