Ny vitiligo dia ny "dermatologue" no tena mahafehy ny fitsaboina azy. Ny 2% amin'ny olona maneran-tany no tratran'ity aretina ity. Ny "vitiligo" dia toe-koditra miseho, mipentina fotsy vokatry ny fahasimban'ny sela "mélanocyte" izay singa mandoko ny hoditra, ity aretina ity dia tsy mifindra. Ny fomba fitsehony : misy faritra mihamazava ny hoditra ary somary mangididy. Ny karazan'ny vitiligo : actif, stable, segmantaire... Fandaharana "andriano ny fahasalamana" iarahana amin'ny Radio Don Bosco.

Ny areti-maso dia misy mandavan-taona fa rehefa vanim-potoanan'ny fahavaratra dia mirondratra ny "conjonctivite". Ny fahadiovan'ny tanana dia efa afahana miady amin'ny fifindran'ny "conjonctivite", sasaina ary kosehina amin'ny savony mandritra ny 40 segondra ary hamainina amin'ny rivotra. Lagaly, laimpana, mycose, staphylococcies : rehefa fahavaratra ny andro dia sady mando no mafana ka mora mahavelona ireo otrik'aretina miteraka ireo aretin-koditra ireo. Ny fisorohana ireo aretin-koditra ireo dia ny fahadiovan'ny vatana, midio amin'ny savony, fisotroana rano matetika, mitafy akanjo maivana, lamba voapasoka...

Ny aty dia taova iray eo ambanin'ny elabakaka, amin'ny ilany havanana amin'ny kibo no misy azy, milanja 1 hatramin'ny 1,5kg ho an'ny olon-dehibe. Ny asan'ny aty : mitahiry ny glucide havadika ho glucose, mamokatra proteine ilaina amin'ny fivainganan'ny ra, manala ny poizina sy ny zavatra tsy ilain'ny vatana, mitahiry ny vitamina A-D-E-K, mamorona ny ranon'afero ilaina amin'ny fandevonan-kanina, manodina ny menaka, mandamina ny tahan'ny tsirim-panentana ao amin'ny olona, mandamina sy manjalanja ny hafanan'ny vatan'ny olona... Rehefa tsy mahavita ireo asany ireo ny aty dia azo sokajiana fa tratry ny faharefon'ny aty. Fambara : reraka, misy olana ny fivainganan'ny ra...

Ny fisotroana toaka tsy voalanjalanja dia mahatonga tsy fahatsiarovan-tena maharitra, io tranga io anefa mety ho antony hafaty olona iray raha tsy voasoroka. Tsy ny toaka ihany anefa fa izay zava-pisotro rehetra misy "alcool". Tsy miankina amin'ny fatran'ny taoka nosotroina ny mahatonga ny tsy fahatsiarovan-tena fa araka ny toe-batana. 30 hatramin'ny 45 minitra aorian'ny nisotroana dia tonga ao amin'ny aty ny toaka, ka mampiasa mafy ny aty sy ny sarak'aty, eo no voakitika ny famokarana "insuline" ilay manodina ny siramamy ao amin'ny vatana, isan'ny famokarana saropady indrindra ka mahatonga ilay tsy fahatsiarovan-tena... 

[Miara-dàlana] Zoma 26 aprily 2024

♦ Notanterahana ny sabotsy 20 aprily 2024 ny fanamasinana ho Eveka an'i S.E. Mgr le Cardinal Ángel Fernández Artime, Lehiben'ny Fikambanana Salezianin'i Don Bosco maneran-tany... ♦ Tao anatin'ny telo andro no nankalazan'ny Arsidiôsezin'i Fianarantsoa ny fetin'i Jesoa Mpiandry Ondry Tsara, teo amin'ny Kianjan'i Masindahy Josefa, Ambozontany, sady fanokafana ny taom-bolafotsy naha Eveka an'i Mgr Fulgence Rabemahafaly... ♦ Mandalo eto Madagasikara indray ny Hetsika Focolari, vondrona miaina sy mampiaina ny Evanjely amin'ny alalan'ny hira sy ny dihy ary indrindra ny vavaka...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...