Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 18 janoary 2023

Ndeha isika hifanentana momba ny ady amin'ny kolikoly sy ny fanovana toe-tsaina. Manahirana ny mihevitra ny hoe : ny fanomezana homena ny mpampianatra avy amin'ny mpianatra ve endrika fanabeazana sa endrika kolikoly. Maro ireo ray aman-dreny no manome fanomezana, izay hampitondrainy ny zanany ho an'ny Mpampianatra ; misy manome vola anaty valopy misy manome zavatra mivaingana ho mariky ny fiarahabana noho ny taona vaovao. Misy manome amin'ny saina madio sy fitiavana, fahalalam-pomba. Maro ireo manome satria mitsinjo ny fianaran'ny zanany amin'ny lafiny fifandraisana : mba ho voakarakara kokoa manoloana ny hafa, izay mety ho tandindon'ny kolikoly... Fandaharana "ampela miary".

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :      

Naseho ny : 11 janoary 2023

Mba hahatsara ny tontolon'ny fahasalamana amin'ny ankapobeny dia ilaina ny fanaovana fandinihantena amin'ny alalan'ny fananganana fafana fampitahana. Atao hita taratra ao anaty fafana ny tsara tokony ho tohizana, ny lesoka tokony harenina, ireo mampiahiahy (tsara/ratsy). Betsaka loatra ny pozina manimba ny fahasalam-bahoaka isan'izany ireo milaza ho mpitsabo anefa tsy nianatra mikasika ny fitsaboana sy ny fahasalamana, maro ihany koa ireo mivarotra fanafody na fitaovana entina hitsaboana anefa tsy nahazo alalana...

Tohiny...

Atolotr'i Randriamanisa Liva Niaina

Lohahevitra : Ampela mihary

Voadika amin'ny fiteny :   

Naseho ny : 4 janoary 2023

Misy olana foana matetika eo amin'ny rafozana sy ny vinanto noho ny maha samy hafa ny fiainana nihainana tany amin'ny tokantrano niaviany. Vahaolana ny fampianarana ny olona handray rafozana vaovao sy vinanto vaovao. Ny rafozana dia mila manao ezaka mamantatra ilay vinanto, ao anatin'ny fifanajana, fahanginana, fihainoana. Fanekena sy fandraisana araka ny maha-izy azy ilay vinanto. Tadiavina sy volena ny fiaraha-monina vaovao ahitana : fisokafana. Ny vinanto dia mila mahay mihaino, mila misokatra ny saina, tsy maneho toetra tia mitsara. Miaraka mandrindra ny fifandraisana sy ny fiaraha-monina ny roa tonta. Atao zava-dehibe ny fahasamihafana mba hifamenoana, tsy ny rafozana foana no manana ny marina...

Tohiny...