Homamiadan'ny vozon'ny tranon-jaza
Ny mahatongan'ny "Homamiadan'ny vozon'ny tranon-jaza" dia avy amin'ny tsimok'aretina atao hoe "papillomavirus". Ny fivoaran'io homamiadana io dia eo amin'ny 20 taona aorian'ny nidiran'ilay tsimok'aretina ao amin'ny tranon-jaza. Misy ny vaksiny ho fisorohana ny homamiadan'ny vozon'ny tranon-jaza, tsindrona in-ndray, mahantoka mandritra ny fahaveloman'ny vehivavy iray... Fandaharana "Andriano ny fahasalamana", tontosaina eto amin'ny radio Don Bosco.
MIARA-MIZOTRA : Manome lanja ny fambolena miaro tontolo iainana
Miady amin’ny tsy fanjarian-tsakafo ny tantsaha mivondrona ao amin’ny fikambanana MIARA-MIZOTRA ao amin’nydistrikan’Ambatoboeny ankehitriny. Miatraika amin’ny famokaran’ny tantsaha any amin’iny faritra Boeny iny mantsy ny
fiovan’ny toetr’andro misy ankehitriny. Azo atao tsara nefa ny miatrika izany amin'ny fampiasàna ireo tekinika fambolena miaro ny tontolo iainana na ny Agroécologies. Zavatra maro no tombony azo avy amin'ny fampiharana azy io dia ny nofon-tany maharitra sy mihatsara hatrany, vokatra mahasalàma, maharitra vao simba rehefa tahirizina. Antony nahatonga ny fikambanana “MIARA-MIZOTRA” ifototra bebe kokoa amin’ny ady amin’ny tsy fanjarian-tsakafo....
Krizy : politika, sôsialy!!!
Ao anatin’ny toe-draharaha voamariky ny krizy politika sy ara-tsosialy lalina, ny fandaharana EVA amin’ny 02 Oktobra 2025 dia mikendry ny handalina ireo olana lehibe mifandraika amin’ny asa mendrika eto Madagasikara. Amin’ny alalan’ny adihevitra sy fifanakalozana eo amin’ny sendikà sy ny mpisehatra amin’ny fiaraha-monim-pirenena, entina hanehoana amin’ny fomba mazava ny zava-misy eny ifotony, ireo sakana ara-drafitra sy ara-pitondrantena izay manakana ny fametrahana asa manaja ny maha-olombelona, indrindra ho an’ny tanora eto Madagasikara... Fandaharana "Miaina - Mitia" tontosaina eto amin'ny radio Don Bosco.
[Vaovao hariva] Alakamisy 2 oktobra 2025
• Nifanipa-kevitra ireo Solombavam-bahoaka, momba ny raharaham-pirenena. Nilaza ny hisokatra amin'ny hery rehetra ireo depiote manohana ny fitondrana, amin'ny fanendrena ny Praiminisitra. Nitsipaka izany ny mpanohitra... • Tafajoro androany ny Komity Mpandrindra ny Tolona, hitarika ny fitakiana an-dalambe nisy tato anatin'ny herinandro. Mangataka ny hanokafana ny Kianjan'ny 13 mey ireo mpanakanto sasany... • Tsy manao afa-tsy fiandrasan-draharaha ireo mpiasan'ny fahaslamana anatin'ny sendika TRIADE, amin'izao. Roa andro androany izy ireo no nanao “sit in” eny anoloan'ny Minisiteran'ny Fahasalamam-bahoaka Ambohidahy...
[Miara-dàlana] Alatsinainy 6 oktobra 2025
• Namaly ny antso avo nataon'ny Papa Léon XIV ny Fivondronamben'ny Eveka eto Madagasikara, ka nanentana ny vahoaka kristianina rehetra hivavaka sy hifady haninana ho an'ny fandriampahalemana eto Madagasikara sy maneran-tany, ny sabotsy 11 oktobra 2025... • Nanao antso avo hampitsaharana ny ady any Gaza sy nitalaho ny mba hisian'ny fandriampahalemana marina sy maharitra, ny Papa Léon XIV, mialoha ny vavaka Angelus omaly... • Vita sonia ny sabotsy teo ny Fanentanana Apostolika voalohany, nosoratan'ny Papa Léon XIV...
Tohiny...Tsy misy afaka manavotra antsika afa-tsy Andriamanitra
I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.
Tohiny...Zatti, rahalahinay
Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.
Tohiny...© 2025 Radio Don Bosco