Alahady 2A

Alahady. Herinandro faharoa amin'ny Fiaviana

Mibebaha fa efa akaiky ny Mesia.
Image is not available

Indro tamy hanavotra ny firenen-drehetra ny Tompo, ry vahoakan’i Siona ; hampanakoako ny feony be voninahitra Izy ary ho dibon-kafaliana. (Izaia 30, 19. 30)

Alatsinainy 2A

Alatsinainy. Herinandro faharoa amin'ny Fiaviana

Mibebaha fa efa akaiky ny Mesia.
Image is not available

Aza mitebiteby intsony fa ho avy ny Mpanavotra antsika. (Izaia 35, 4)

Talata 2A

Talata. Herinandro faharoa amin'ny Fiaviana

Mibebaha fa efa akaiky ny Mesia.
Image is not available

Indro avy ny Mpanjaka, Tompon’ny tany, ary izy no hanafaka antsika amin’ny jiogam-panandevozana.

Alarobia 2A

Alarobia. Herinandro faharoa amin'ny Fiaviana

Mibebaha fa efa akaiky ny Mesia.
Image is not available

Ho avy ny Tompo ary tsy ho ela intsony, hiseho amin’ny firenena rehetra Izy, dia hampiharihary izay nafenin’ny haizina. (Hab. 2, 3 ; 1 Kor. 4, 5)

Alakamisy 2A

Alakamisy. Herinandro faharoa amin'ny Fiaviana

Mibebaha fa efa akaiky ny Mesia.
Image is not available

Ho revon-kafaliana ao amin’ny Tompo aho, ary hiravoravo amin’Andriamanitra ny foko, satria noravahany fitafiana mahavonjy aho, noetràny fahamarinana toy ny ampakarina miraratra amin’ny haingo sarobidy. (Izaia 61, 10)

Zoma 2A

Zoma. Herinandro faharoa amin'ny Fiaviana

Mibebaha fa efa akaiky ny Mesia.
Image is not available

Avia, ry Tompo, vangio am-piadanana izahay, mba hifalianay amin’ny fo lavorary !

Sabotsy 2A

Sabotsy. Herinandro faharoa amin'ny Fiaviana

Mibebaha fa efa akaiky ny Mesia.
Image is not available

Akaiky ny andron’ny Tompo, indro Izy fa ho avy hamonjy antsika.

previous arrowprevious arrow
next arrownext arrow

Alarobia 23 nôvambra 2022 — Herinandro Tsotra fahefatra amby telopolo Mandavantaona — Mahareta ambara-pahafaty, hoy ny Tompo, dia homeko anao ny satro-boninahitry ny fiainana — Evanjely Masina nosoratan'i Masindahy Lioka 21, 12-19

Fantatr'i Jesoa tsara ny fanesona sy ny fanenjehana mety hahazo ireo mpianany noho ny fitoriana ny Anarany. Tsy voatery ny rehetra mantsy no hanaiky ny Evanjely torina.

Aoka àry tsy horaisintsika ho faharesena na fahoriana izay endrim-panenjehana mahazo antsika fa tokony ho hafaliana aza satria izay no mitondra any amin’ny fiainana mandrakizay. Mampianatra antsika àry i Jesoa fa mila finoana sy faharetana ary fiaretana ny manara-dia Azy. I Kristy izay arahantsika àry, nenjehina sy nampijaliana, mainka ve fa isika izay tsinontsinona akory. Ireo fotoan-tsarotra izay diavintsika àry no asehon'i Jesoa, indrindra ny herin’ny fanahiny ho an’izay matoky Azy. Eo indrindra àry no tokony hivavaka sy hiombom-piainana bebe kokoa Aminy. Mila maharitra àry araka izany, raha te ho mpianatr'i Kristy, na inona na inona mitranga eo amin’ny fiainana, indrindra ao anatin’ny tena sarotra.

Ny fijaliana sy ny fahoriana iaretantsika noho i Jesoa, dia hakambantsika amin’ny fijaliany ihany koa. Resiny mantsy izany tamin'izy nitsangan-ko velona. Hoy i Masindahy Paoly izay mantsy hoe, rehefa miara-maty amin'i Kristy isika dia hiara-belona Aminy koa.

Tompo ô, aoka ny fahoriana izay iaretanay mpianatrao mba hanampy anay tsy hisaraka Aminao.

[Miara-dalana] Alatsinainy 5 desambra 2022

♦ Mbola manavao ny fanantenana ataony, mba hanohizana ny vavaka ho an'ny fangatahana ny hanandratana ho olomasina an'i Victoire Rasoamanarivo, ny raiamandreny eo anivon'ny Eglizy Katôlika eto Madagasikara... ♦ Kristianina manodidina ny 1800 no niatrika ny fihatahana masina tao amin'ny Distrikan'i Brickaville, Kaominina Andovoranto, izay toerana nahafatesan'i Mgr Henri de Solages... ♦ Hofaranana ny 15 hatramin'ny 17 desambra 2022, ny fankalazana ny faha-60 taona niorenan'ny Lycée Catholique Sainte Chantal, Soanierana...

Tohiny...

Fitiavana sy famonjena

Hafaliana lehibe ny Noely satria ny fitiavan'Andriamanitra no tonga amintsika, hoy i P. Bizimana Innocent, Lehiben'ny Fikambanana Salezianin'i Don Bosco eto Madagasikara sy ny Nosy Maurice, tamin'ny firarian-tsoan'ny Noely 2021. Tonga ny famonjena izay midika tsy faharahavan'ny fiainana. Io fitiavana sy famonjena io no irariana hanjaka ao amin'ny fiainantsika, ka hifanampy mba hiainan'ny fiadanana sy ny fandriampahalemana.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...