Lany fanindroany tamin’ny fifidianana manaraka teo ho recteur majeur i mompera Angel Fernandez Artime dimbin’i Don Bosco. Niangavy ny fikambanana salezianina maneran-tany izy mba hanao vavaka hasivin’ny andro tammin’i Masina Maria vonjin’ny kristianina mba hiarovana an’izao tontolo izao tsy ho tratry ny areti-mandringana COVID-19 ny olombelona rehetra.

Noho izany, nisy ny vavaka niarahana tamin’ireo ankizy mpianatra avy ao amin’ny Oratorio Don Bosco Ivato ny alatsinainy 16 Martsa nandritra ny sivy andro. Araka ny fantatra moa dia mandringana tokoa ity valan’aretina ity eto amin’izao tontolo izao, ary mbola tsy nahitana fanafany hatramin’izao. Nandritra ny fotoam-bavaka izay notaritin’i Frère Fabrice SDB dia nandohalika avokoa ny rehetra teo anoloan’ny sarin’ny masin’i Maria, ho mariky ny fiankohofana sy fanetretenan’ny tsirairay, ary namerina ny vavaka nampianarin’i Don Bosco. Tahaka an’i Don Bosco, dia tokony hanana fahatonian-tsaina sy fahatokisana feno an’i masin’i Maria vonjin’ny kristianina.

Matokia azy isika ary mivavaha tsy tapaka amin’ny fanalalanany mba hiarovan’Andriamanitra sy hanampiany antsika amin’ity valan’aretina ity ary koa hankaherezany ireo marary ; handry amp-piadanana anie ny fanahin’ireo efa nodimandry rehetra. Masin’i Maria vonjin’ny kristianina mivavaha ho anay.

            Frera RAZAFIMANDIMBY Michel Fabrice, sdb

[Miara-dàlana] Alatsinainy 22 septambra 2025

• Sarotra ny mitory kanefa meteza hanoha riana, hoy ny fampianarana nentin'i Mgr Marie Fabien Raharilamboniaina, Filohan'ny Fivondronamben'ny Evekan'i Madagasikara, nandritra ny toriteny nataony tamin'ny fanamasinana ho eveka an'i Mgr Mamiarisoa Modeste Randrianifahanana... • Miisa 564 mianadahy ireo andiany, nisalotra ny anarana Masindahy Augustin, navoaka tamin'ny sabotsy 20 septambra 2025, avy eo anivon'ny Mpikabary Katolika... • Tantano amim-pirahaliana sy amim-pahendrena ireo haren'ny tany, hoy ny Papa Léon XIV, tamin'ny fandalinam-pinoana nataony nandritra ny Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...