Alatsinainy 28 desambra 2020 — Ireo zaza tsy manan-tsiny — Andriamanitra ô midera anao izahay; manambara fa Ianao no Tompo; ary mihoby anao ny antokon'ny martiry feno hadiovana — Evanjely Masina nosoratan'i Masindahy Matio 2, 13-18

0 : 00

Nambaran’ny Masindahy Matio teo fa talohan’ny tetika fandringanana ireo zaza tsy manan-tsiny, nataon’i Heroda, dia efa nandidy an’i Josefa, ray mpitaiza ny zanany Andriamanitra handositra any Egypta. Niaro ny zanany Andriamanitra, tsy tamin’ny fomba mahagaga manaitra ny maro anefa fa tamim-pilazana mialoha an’i Josefa tao anatin’ny fanginana, hahatanteraka ny tenin’ny mpaminany hoe : « nantsoiko hiala tany Egypta ny zanako », sahala amin’i Israely niala tao Egypta ho any amin’ny tany nampanantenaina, tao amin’ny fanandevozana ho amin’ny fahafahana. Tsy olona ho afahana anefa eto i Kritsy fa ilay Mpanafaka satria Izy teraka no hanala antsika olombelona amin’ny zioga manavesatra.

Tsarovy mandrakariva fa tsy ny be saina na ny be sandry na izay heverina fa mahay indrindra, toa an-dry Heroda, no tompon’ny teny farany fa izay mahay mihaino sy mitoky amin’Andriamanitra sahala amin’i Masindahy Josefa. Tsy hisy olona na oviana na oviana hahova na hanao izay hisakanana ny lahatr’Andriamanitra sy ny famonjena tanterahiny.

Na dia izany àry anefa, dia misy foana ireo sorona, misolo vaika ny ankalana, miaritra ny mafy sy tsy rariny, vavolombelona ireny maneho ny fanoherantsika olombelona eo anatrehan’ny fandaharam-pamonjena ataon’Andriamanitra, kanefa ho avy ny fotoana fa tsy sitrak’Andriamanitra hijaly foana ny zanany. Ny fitiavana, ny voninahitra sy ny fahefana mahatonga fanilikilihina na famonoana ny hafa. I Kristy, tonga olombelona no hampianatra sy hizara amintsika ny fomban’Andriamanitra. Meteza àry, haka tahaka Azy.

[Miara-dàlana] Zoma 17 mey 2024

♦ Nankahery an'i Mgr Jean Claude Rakotoarisoa amin'ny fanohizana ny asa fitoriana nataon'ireo Eveka nodiambiasany ny Fivondronamben'ny Eveka eto Madagasikara sy ny Solontenan'ny Ray masina eto Madagasikara... ♦ Manentana ny Eglizy rehetra eto Madagasikara hanamarika ny Andro Maneran-tany ho an'ny Ankizy, ny 25 sy 26 mey 2024, ny Vovonam-Pirenena Katôlikan'ny Ankizy eto Madagasikara... ♦ Nanao antso avo amin'ny tsara sitrapo rehetra ny Papa François, mba hanampy ireo vahoaka ao Afghanistan, izay niharan'ny tondra-drano...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...