Sabotsy 28 desambra 2019 — Ireo zaza tsy manan-tsiny — Evanjely masina nosoratan'i Masindahy Matio 2, 13-18 — "Midera anao izahay ary manaiky fa Ianao no Tompo. Ny Tafiky ny lanitra, ny martiry dia midera anao".
Mifanindran-dàlana amin'ny tantaran'i Moizy ny nahazo an'i Jesoa eto. Samy nentina nandostira tany Ejipta rehefa nisy ny famonoana ny zazalahy kely tamin'izany. Niainan'i Jesoa indray ny tantaran'ny vahoaka Jody. Saingy ny vahoaka Jody rehefa nandevozin'ny Ejipsiana dia nafahan'Andriamanitra tamin'ny alalan'i Moizy ho any amin'ny tany nampanantenaina, nisy anefa fotoana nivadihany tamin'Andriamanitra ka nanompoany andriamani-kafa. Fa ho an'i Jesoa sy i Maria ary i Josefa, na be aza ireo zava-nanahirana dia natoky tanteraka an'Andriamanitra hatrany izy ireo ka nanaraka an-tsakany sy an-davany izay nolazain'ny Anjely.
