Alarobia 25 desambra 2019 — Ny nahaterahan'ny Tompo — Evanjely Masina nosoratan'i Masindahy Lioka 2, 15-20 — "Voninahitra anie ho an'Andriamanitra any amin'ny avo indrindra ary fiadanana anie ho an'ny olona etý ambonin'ny tany fa nanehoany ny hatsaram-pony."
Tanteraka sahady eto ilay tenin'i Kristy hoe: "Misaotra anao aho ry Raiko, Tompon'ny lanitra sy ny tany noho Ianao nanafina izany tamin'ny mahay sy ny hendry, fa nanambara azy tamin'ny zaza madinika kosa." Ny mpiandry ondry dia ireo olona tsy dia manao ahoana firy teo amin'ny fiaraha-monina jody: izy ireo no nampahafantarin'ny anjely fa teraka ao Betilehema ny Mpamonjy. Anisan'ny tandindona izy io fa i Jesoa Kristy dia tonga ho Mpiandry ondry tsara.
