27 febroary 2025 — Alakamisy, Herinandro Tsotra fahafito Mandavantaona — Raha misy tia Ahy, dia hitandrina ny teniko izy; ka ho tian’ny Raiko ary hankao aminy izahay, ka honina ao aminy — Evanjely Masina nosoratan’i Masindahy Marka (Mk. 9, 40-49)

Iray amin’ireo toetra mampiavaka ny kristianina ny fijerena manokana ireo madinika sy ny mahantra. Tsy allérigique amin’ny mahantra na oviana na oviana isika, fa saingy mila kolokoloina anefa ny fifandraisantsika amin’izy ireo. Endrik’i Jesoa mila fiantrana amintsika izy ireny ka mila hatsaraintsika hatrany ny fanehoantsika ny fiantrana azy ireny ; mila hatsairaina ihany koa ny fitenintsika sao mandratra azy ireny, toy izany ihany koa ny fihetsika sao manafintohina azy.

Mila famolahan-tena manokana avy amintsika anefa izany; famolahan-tena mety haharary sy hampangirifiry satria hiala amin’ny fahazaran-dratsin’ireo taovam-pandrenesantsika. Aza matahotra anefa isika fa vonona ny hanome ny fahasoavany antsika i Jesoa Kristy, matoa Izy no mitaky an’izany amintsika.