20 nôvambra 2023 — Alatsinainy, Herinandro Tsotra fahatelo amby telopolo Mandavantaona — Alao tampina ny masoko, ry Tompo, hibanjina ny zava-mahagaga amin’ny Lalànao — Evanjely Masina nosoratan’i Masindahy Lioka (Lk. 18, 35-43)

Karazan’olona telo no taterin’ny Evanjely antsika eto araka ny tantaran’ny fahasitranan’ity jamba tao Jerikao ity. I Jesoa sy ireo mpanara-dia azy ary ity jamba mipetraka eo am-bavahadin’ny tànana. Samy manome fampianarana antsika avokoa ny toetra nasehon’izy ireo amintsika.

Mampianatra antsika hahay hahatsapa ny fijalian’ny hafa i Jesoa Kristy eto, na inona na inona zava-mihatra amintsika. Hiakatra hankany Jerosalema Izy eto, handeha hiatrika ilay fandaharan’Andriamanitra ny amin’ny tsy maintsy hijaliany sy ny hahafatesany. Tsy nanakana Azy tsy hanao ny soa izany, tebiteby nahazo Azy izany. Mila mitandrina isika, sao isika manara-dia an’i Kristy indray no an’isan’ireo manakana ny sahirana sy ny mijaly hanandram-peo amin’Izy Tompo. Sanatria tsy ho isika kristianina ireto no manampim-bava na koa manakona ny mason’ireo olona maniry fatratra ny hahita sy hifandray amin’Andriamanitra arahintsika.

Mampianatra antsika tsy ho menatra ny hitaraina sy hitalaho amin’Andriamanitra mahakasika ny zava-manjo antsika ity jamba tao Jerikao ity. Tsy manakana antsika tsy hivavaka ny kilema sy ny aretina mahazo antsika. Farany, aoka ny fahasalamana feno no angatahina amin’Izy Tompo, izany hoe fahasalaman’ny vatana sy fanahy : “mamindrà fo amiko ry Tompo !”; “Mba hahiratra aho ry Tompoko”.

Hafatra avy amin'ny Eveka eto am-pamaranana ny Fivahiniana Masina

Ry kristianina havana tafavory marobe eto amin’izao Pelerinazy nasionaly izao sy ianareo maraca izany any an-trano amin’ny haino aman-jery. Velom-pankasitrahana anareo rehetra izahay Evekan’I Madagasikara, Raiamandreninareo, amin’izao havoriana maro be namalianareo ny antso avy aminay sy ny fiainanareo ny aim-panahy jobily natoron’I Papa Fransoa izao. Miaraka aminareo izahay mbola mamerina ny tononkiran’I Maria hoe “mankalaza ny Tompo ny Fanahiko” sy ny hoe “inona no havaliko ny Tompo fa maro dia maro ny soa nataony?”....

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...