11 mey — I Masimbavy Estelle dia romanina ny rainy ary légat tao Saintes. Niana tany amin'ny taonjato voalohany tany izy io. Rehefa avy nihaino ny fampiananran'ny Masindahy Eutrope izy, eveka voalohany tao Saintes, dia nangataka atao batemy ary lasa mpianany.

Nolaviny ny rendrarendra sy ny voninahitr'izao tontolo izao. Rehefa tsy nety nandà ny finoana izy dia ny rainy ihany no namono azy, nanao izay fara heriny mantsy ny rainy mba hialan'i Estelle tamin'ny fivavahana kristianina, sy hivadika amin'ny toky nomeny an'Andriamanitra fa hitana ny fahavirijiniana, tsy nanaiky anefa i Estelle. Rehefa tsy nahomby ny fandresen-dahatra nataon-drainy, dia izy mihitsy no nanapaka ny lohany tamin'ny famaky. Nalevina tao akaikin'i Md Eutrope i Estelle. Ny taona 1655 no nambara ho martiry, tao amin'ny boky fivavahana, tao amin'ny trano fitokana-monina Md Eutrope, ny anaran'i Estelle, ary nohamarinin'i Mgr Thomas, eveka tao Saintes tamin'ny taonjato faha-19 izany. Voalaza fa taloha dia izy no noraisin'ny tanora ho mpiaro azy.