Ny katesizy dia mizara efatra lehibe, ary taorian'ny Konsily Vatikana-II no nandrafetana azy. Ny fizarana voalohany dia ny miresaka ny zavatra tsy maintsy inoana momba an'Andriamanitra, ny Trinite Masina, ny maha Mpahary ny Ray, ny fahatongavana ho nofo, ny fanavotana ary ny fitsanganan-ko velona, ny niakaran'i Jesoa any an-danitra, Jesoa Mpitsara, ny fisian'ny fanahimasina sy ny fiombonan'ny olomasina ; ny faharoa dia mampianatra ny "tsy maintsy atao mba havoavonjy"...
Isan'ireo tsy maintsy atao ny fanajàna ny didin'Andriamanitra sy ny didin'ny Eglizy, fitsipi-pitondrantena satria tsy ampy hahavonjy ny olona ny fahavitana Batemy. Anatin'io fizarana io ny fiainana ny Sakramenta fito, fanajana ny litorjia mandavan-taona sy ireo fombafomba fanaon'ny Eglizy ; eo koa ireo "tsara ho fantatry ny Kristiana" amin'ny endriny famintinana. Marihana fa ilaina ny manana finoana, ary aoka tsy hitoky amin'ny olombelona fa kosa miaina sy mizara fitia ary manaja ny aina.
