Ny Konsily tao Konstantinopla II (553) dia nanamafy ny fanamelohana ireo hevi-diso teo aloha (mikasika ny Trinité Masina, ny Kristolozia), sady nampahatsiahy ireo famaritana nataon’ny Konsily tany aloha. Nohelohina ireo hevi-diso avy amin’i Origène, miaraka amin’ireo hevitra telo izay fantatry ny Nestorianisma. Tsy tratra ny tena tanjona hampihavana ny samy Mpino Kristianina satria nisy ireo tsy fitovian-kevitra (Roma, Afrika, Antiokia). Nohelohina ireo eveka teolojianina telolahy miankina amin’ny sekolin’i Antiokia: Théodore de Mopsueste (†428), Théodoret de Cyr († vers 466) et Ibas d’Édesse († 457).

Ny amin’ny sitrapo roa ao amin’i Kristy kosa no nohamafisin’ny Konsily tao Konstantinopla III (680-681), hanoherana ny monotelisma. Nambara àry fa Misy sitrapo roa ao amin’i Kristy, tahaka ny ananany natiora roa (dia ny maha-Andriamanitra sy maha-Olombelona), na dia olona iray sy tokana ary tsy mivaky aza Izy, dia Ilay Teny Tonga Nofo (tsy mifangaro ireo, tsy miovaova, ary tsy mivaky kanefa miavaka tsara). [Nous prêchons aussi en Lui (Christ) deux volontés naturelles ou volontés et deux opérations naturelles, sans division, sans commutation, sans séparation, sans confusion, selon l'enseignement des saints Pères]. Ny Konsily tao Nisea II (787) kosa no nitaky sy niaro ny maha ara-dalàna ny fampiasàna sy fanajàna ireo sary vita amin’ny hosi-doko (Ikôna) sy ny sarivongana, amin’ny fanompoam-pivavahana, araka ny fanaon’ny Fiangonana.

[Miara-dàlana] Alatsinainy 24 marsa 2025

• Tafajoro ao amin'ny Arsidiosezin'i Toamasina ny Aumônerie de Catholique de l'Administration Pénitencière na ny ACAP, izay miandraikitra ireo mpikatroka eny anivon'ny fonja... • Ny 26 sy 27 avrily 2025 no hanatanterahana any Vohipeno ny pelerinazy diosezanina, iarahana amin'ny Olontsambatra Lucien Botovasoa... • Manosika antsika kristianina hanova fiainana ny faharetan'Andriamanitra, hoy ny Papa François omaly, tao amin'ny fandalinam-pinoana nomaniny, nozaraina tao amin'ny tranon-kalam-pifandraisan'i Vatican...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...