Tsy natao hotompoina ny Razana fa mendrika ho hajaina kosa fa nampita sy niaro ny Aina ho an’ny taranaka rehetra aty aoriana. Zava-dehibe ny fanajàna ireo Nodimandry rehetra sy ireo Razana efa nialoha làlana any ankoatra.
Voaboasan’i Mompera Rahajarizafy Antoine de Padoue izany ao amin’ny Boky nosoratany : Filozofia Malagasy (pp.124-151), ary lazainy mazava ao fa ny hany ivavahana dia Andriananahary. Ny fivavahana kristianina kosa hoy izy no nahitan’ny Malagasy ny hazavana mibaliaka, nampatoky taneraka ny sainy sy nahafa-diana tanteraka ny fony. Koa rariny iska raha hanaja ireo efa nodimandry ary hahatsiaro azy manokana isan-taona ahay sy isaky ny alatsinainy. Nanome sy namela ohatra tsara ho tahafina izy ireo, fa nilofo nanao izay hampandroso ny ara-batana sy ara-pivelomana, niaina araka ny fo amam-pihavanana, nivelona ny ara-panahy sy ara-pahamarinana. Mifanerasera amintsika isan’andro àry arak’izany ireo rehetra efa lasa any ankoatra ary afaka mivavaka sy mitalaho ho antsika koa izy ireo.
