Victoire Rasoamanarivo no maneho indrindra ny anjara toeran'ny laika ao amin'ny Fiangonana katolika eto Madagasikara. Nentiny nanompoana ny mpiara-monina ny aim-panahy azony tamin'ny finoana sy ny vavaka.

Nandritra ny fotoana tsy naha-teo ny misionera, dia izy no nanampy ny kristianina katolika hiaina ny finoana sy hiray hina hatrany, ka niara niasa tamin'i Frera Rafiringa izy tamin'izany.

Arahantsika amin'ity fandaharana ity ny hafanam-po sy ny hatsaram-panahin'i Victoire Rasoamanarivo, ilay Olon-tsambatra malagasy voalohany, iarahana amin'i P Abdon Rafidison, Recteur de Théologat , Faliarivo-Antananarivo