Sabotsy 15 janoary 2022 — Herinandro voalohany mandavantaona — Aza mba hamafisina ny fonareo anio fa henoy ny feon’ny Tompo — Evanjely Masina nosoratan'i Masindahy Marka 2, 13-17

Henontsika teo fa tsy mba nampatahotra na nampihemotra an'i Jesoa ny eso sy ny fanaratsiana natao azy, niantrano sy niara-nisakafo tamin'ny mpanota. Toe-javatra nanehoany ny antony nahatongavany, nakany nofo sy nonina teo anivontsika io : "Tonga hiantso ny mpanota". Isika tsirairay avy io nahatongavany io ; tsy misy afa-milaza fa marina eo anatrehan'Andriamanitra isika. I Levi eto no solontenantsika tsirairay avy, sady mampianatra antsika hahatsapa ny ratsy iainana sy sahy mampiantrano an'Andriamanitra, hialana ao anatin'ny fahotana ; ary mampahafantatra antsika ihany koa fa ny mpitsabo afaka hanasitrana antsika amin'izany dia i Kristy, "Ilay tsy tonga ho an'ny marina, fa ho an'ny mpanota".