30 ôktôbra — Bienvenue Bojani no anaran'ity olontsambatra ity. Teraka ny taona 1255 tao Savogna di Cividale, Frioul tao Italie i Bienvenue. Mbola kely izy dia efa nanana fitiavana sy fanajana manokana an'i Masina Maria Virjiny.

Naniry ny hianatra ny fijalian'i Kristy izy ka niditra ho tertaire dominicaine, izany hoe, tsy mitoetra any amin'ny trano fitokana-monina akory izy fa miaina ny fitsipi-piainana maha dominikanina, antsoina amin'ny anarana hoe "Sœurs de la Pénitence de saint Dominique". Nanamasina ny tenany i Bienvenue tamin'izany fotoana izany. Noho io faniriany te hijaly mitovy amin'i Kristy io dia nampitomboiny ny fomba famolahan-tena sy ny fampijalian-tena niainany. Nietra "cilice" izay nofatorany mafy tamin'ny valahany izy ka nilentika tsikelikely tamin'ny nofony izany, nasiany vinaingitra ny masony na dia teo aza ny fameperan'ny mpitantana am-panahy azy tamin'izany fampijalian-tena mafy loatra nataony izany.

Narary mafy i Bienvenue indray andro, ka nandeha nanao fivahinianana masina tany amin'ny fasan'i Masindahy Dominique izy, ary rehefa niverina avy any izy dia sitrana soa aman-tsara. Fa rehefa nitombo ny taonany dia niverenan'ny aretina indray ka ny taona 1292 izy no nodimandry. Maro ireo kristianina nangataka ny fahasoavan'Andriamanitra tamin'ny alalan'ny vavaka nataon'i Bienvenue, ka maro ireo nahazo fahagagana tamin'izany. Ny papa Clément XII no nanandratra azy ho olontsambatra ny taona 1763.

Miara-dàlana] Alatsianiny 29 septambra 2025

• Nanentana ny kristianina rehetra, hivavaka sy handini-tena, ny avy eo anivon'ny Fiombonan'ny Fiangonana Kristianina eto Madagasikara, tamin'ny hafatra navoakan'izy ireo ny zoma 26 septambra 2025... • Tontosa ny sabotsy 27 septambra 2025, ny famindrana ny taolambalon'i Mompera Vladimir, izay tany amin'ny Diosezin'i Toamasina, ho ao amin'ny fasan'ny Fikambanana ao Ambohidratrimo Antananarivo... • Notontosaina ny sabotsy 27 septambra 2025 ny fitsofan-drano ny fasana ary ny famindrana ireo pretra sy frefra miisa 13 efa nialoha lalana, teny amin'ny Monasitera Masina Maria Ambohimanjakarano Mahitsy...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...