Efa mahatsapa ny mahazava-dehibe ny fiarovana ny tontolo iainana amin'ny famokarana ilofosan'izy ireo ny tantsaha mivondrona ao amin'ny vovonam-pikambanana Filamantra Soa Iombonana na ny FISOI sy ny SOAMITSINJO ato amn'ny Faritra Analamanga. Samy mpikambana ao amin'ny Réseau SOA avokoa ireo fikambanana ireo. Misy hatrany isan-taona ny fambolen-kazo faobe ataon'izy ireo.

Tonga maro tao amin'nyh kaominina ambanivohitra Atambolo Distrika Arivonimamo Faritra Itasy ny mpikambana tao amin'ny FISIO ny faha-9 febroary 2024 namboly hazo. Toa izany koa ho an'ny SOAMITSINJO ny 31 janoary 2024 ka tao Ambohiboahangy, kaominina Antanetibe Mahazaza indray izy ireo no nanao ny fambolen-kazo faobe.

Tanjon'ny fambolen-kazo ataon'ny tantsaha ao amin'ireo vovonam-pikambanana roa ireo ny fandraisan'anjara amin'ny fanamaitsoana ny tontolo manodidina ahafahana miatrika ny voka-dratsy ateraky ny fiovaovan'ny toetr'andro. Zana-kazo efatra karazana, oliva, kafe, acacia ary freine, 3000 fototra no novolen'ny tantsaha aoa amin'ny FISIO tamin'ny velaran-tany 3,5Ha ho an'ny tao Atambolo.

Miisa 18 ny Fikambanana fototra mivondrona ao amin'ny FISOI, miparitaka amin'ny Faritra efatra. Mpiara-miombon'antoka amin'izay fambolen-kazo ataony izay ny tetik'asa FFF FAO iarahana amin'ny Réseau SOA.

Mahatratra 95% ny taham-pahaveloman'ny zanakazo novolen'ny FISIO. Misy ifandraisana amin'ny famokarana ny hanaovana ny fambolen-kazo hoy Andriamatoa Randrianarisoa Dina Herinjaka, teknisiana ao amin'ny Filamatra Soa Iombonana na ny FISIO.