Hankalaza ny faha-30 taona nijoroana ny Foibe FAFIALA amin'ity taona ity. Hotanterahana any amin'ny volana jolay na volana aogositra 2022 ny ivon'ny fankalazana raha toa ka ny volana avrily izao no saika hanatanterahana azy.

Ny volana mey ho avy izao no hanaovana ny hetsi-panokafana ka amin'ny alalan'ny fampisehoana ny sehatr'asan'izy ireo no hanehoana izany eny amin'ny foiben-toerany eny Ambohimangakely, distrika Antananarivo-Avaradrano.

Ny firongatry ny valan'aretina Covid-19 andiany fahatelo sy ny rivodoza nifanesy, ao anatin'ny fanomanana ny fankalazana no isan'ny antony nanemorana ny fandaharam-potoana hankalazana ny faha-30 taonan'ny Foibe FAFIALA hoy Andriamatoa Raveloarijaona Nonat, Tale Mpanatanteraka. Na izany aza efa tontosa hatrany amin'ny 80% ny fanomanana amin'izao fotoana izao.

Nitondra anjara biriky lehibe tamin'ny asa fampivoarana ny seha-pamokarana teny ambanivohitra ny Foibe FAFIALA, nandritra ny 30 taona nijoroany. Mifototra amin'ny fikarohana sy fampandrosoana, fampiofanana ary tohana ara-kevitra ny sehatr'asany hatramin'izay ka hatramin'izao.

Maherin'ny 6.000 moa ny tantsaha, ny teknisiana, ny tompon'andraikitra tany amin'ny fikambanana samihafa no nofanin'ny Foibe FAFIALA hanabe voa ny famokarana ilofosany nandritra ny taona maro. Fiofanana niompana tamin'ny famokarana miaro ny tontolo iainana sy fampivoarana ny eny ambanivohitra.

[Miara-dàlana] Zoma 29 aogositra 2025

• Olon-dehibe mijoro amin'ny finoana sy fanantenana Kristianina, hampanjaka ny fahamarinana sy ny fitiavana eo amin'ny fiarahamonina sy ny tontolo iainana. Io teny manentana ny Andro Nasionaly ho an'ny Olon-dehibe andiany faharoa io no nantintranterin'i Mgr Jean Nicolas Rakotojaona nandritra ny fanokafana izany tany amin'ny Diosezin'i Morondava... • Samy ao anatin'ny fanatanterahana ny Andron'ny Tanora isan-diosezy ihany koa ny ao amin'ny Diosezin'i Fianarantsoa sy Port-Bergé, izay hifarana ny alahady izao...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...