Lohahevitra : Tantara

Mpifankatia tia manao fizahan-tany i Setra sy Salohy ary tanjona manaraka ny ho an'ny Manambato, izay toerana mahasondriana anefa tsy lavitra an'Antananarivo. Mpinamana tsy mifankafoy i Onja sy Setra ary isan'ireo mpankafy fiainana sy rendrarendra. Tsy mitsahatra mifandoka ary mifampitory fitia i Setra sy Salohy, milaza samy tia ; na efa manambady aza i Setra dia tsy nahasakana an'i Salohy hitia azy io zava-misy io. 

Lohahevitra : Tantara

Nahatsiaro fahasambarana i Nofy rehefa nandeha nitsangatsangana niaraka tamin'i Aly. Nifankatia izy roa kely anefa ny renin'i Nofy dia nisakana hatrany ny fiarahany. Nifanome toky ny hifankatia anefa izy roa, eny hatrany ambadiky ny fahafatesana. Ramatoa Valérie, renin'i Nofy sy Jenny dia samy nanomana teti-dratsy handravana ny fiarahan'i Nofy sy Aly. Zanak'olona mpanao pôlitika i Jenny ka maika nandrisika an'i Ramatoa Valérie hanao ny ezaka rehetra hampivady an'i Nosy, zanany sy i Jenny

Lohahevitra : Tantara

Zazavavy kely teraka tao amin'ny fianakaviana iray Hélène, izay teraka volana mey, volana an'i Masina Marie. Lénah no niantsoana an'i Hélène izay niavaka tamin'ny zanaky ny ray aman-dreniny, ohatra tamin'izany ny nahavitan'ity zazavavy kely ity nanolo ny lovia novakiany, teo koa ny nahavitany nanoratra tantara rehefa noraran'i Sophie reniny tsy hamaky boky. Zazavavy kely tia mihantra ny tsy manana sy ny sahirana izy, ary tia mialavoly anefa koa tia fianarana. 

Lohahevitra : Tantara

Tovovavy iray anatin'ny olana i Mendrika, rehefa nahazo antso miafina avy aminà fikambanana mampiely fanahy ratsy, ary Toky no sendra azy, rehefa nitanondrika tao anatin'ny olana lalina iry voalohany. Tsikaritr'i Rina ny fihetsika nataon'i Toky nanoloana an'i Mendrika ary nahatonga hasarota-piaro an'i Rina izany, ary rafitr'ady izy roa vavy. Rehefa nifanazava teo izy telo dia nazava ihany ny anton'ny fihetsika hitan'i Rina, ary nanolo-tena hanampy an'i Mendrika, izy roa. 

[Miara-dàlana] Alatsinainy 22 aprily 2024

♦ Nankalaza ny fetin'i Kristy Mpiandry Ondry Tsara, ny Eglizy maneran-tany omaly alahady 21 aprily 2024. Nankalaza izany koa ny tao amin'ny Diôsezin'i Port-Bergé... ♦ Hananganana "sanctuaire", eo ambany fiarovan'ny Olontsambara Lucien Botovasoa, sy "centre spirituel", ny eo amin'ny toerana naha martiry an'i Ramose Lucien Botovasoa... ♦ Nanentana ny mpino rehetra mba hamantatra ny tsiambaratelon'ny fiainany, miaraka amin'ny Jesoa Mpiandry Ondry Tsara, ny Papa François, tamin'ny Vavaka Ry Mpanjakavavin'ny Lanitra, omaly alahady...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...