Manao hetsika hanentanana ny vehivavy hiatrika ny fiatraikan’ny fiovan’ny toetr’andro ny ao amin’ny Fikambanan’ny Vehivavy hoan’ny kolotsaina sy ny fampandrosoana na ny AFCD. Fikambanana nijoro tany amin’ny taona 2016 saingy nohavaozina ny taona 2024. Nizara fahalalana hoan’ny mpanao gazety misehatra amin’ny tontolo iainana momba ny anjara andraikitry ny vehivavy manoloana ny amehana ara-toetr’andro eran-tany androany ny Fikambanan’ny Vehivavy hoan’ny kolotsaina sy ny fampandrosoana na ny AFCD. Tamin’ny alalan’ny Atrik’asa fifampizarana no nanehoana izany....

Isan’ny tafiditra amin’ny toejavatra atrehana eran-tany mantsy ny amehana ara-toetr’andro mifanindran-dalana amin’ny ady sy ny fifandirana, ny fahaverezan’ny karazan-java-manan’aina, ny fandotoana tontolo iainana, ny fanamby amin’ny fampandrosoana…

Vao mainka hihamafy ny toe-java-misy hoy ny AFCD manoloana ny tranga El Nino, izay fihafahanan’ny ranomasina any amin’ny ranomasina pasifika ka hisy fiatraikan’ny amin’ny fiovan’ny toetr’andro. Hihamafy hatrany ny voka-dratsiny na ara-toekarena, ny ara-tsakafo, ny ara-tsosialy, ny fahasalamana sy ny tontolo iainana.

Manaitra ny rehetra hihomana manoloana izany ny mpahay siansa, ka isan’izany i Madagasikara. Isan’ny tena marefo amin’ny voka-dratsin’ny fiovan’ny toetr’andro ny vehivavy eto amintsika ka nahatonga ny AFCD nikarakara ity atrik’asa fifampizarana ity.