Manohana ny hetsika ataon’ireo fikambanan’ny tantsaha eny anivon’ny faritra hiatrika ny fampanjarian-tsakafo ny tambazotran’ny Sendikan’ny Orina Ambanivohitra na ny Réseau SOA. Amin’ny alalan’ny tetik’asa, “Hetsika ataon’ny fikambanan’ny tantsaha manohana ny mpikambana ao aminy ho lasa matihanina kokoa”, no anatanterahana izany.

Isan’ny ifotorana amin’ity tetik’asa ity ny fametrahana ny tanora amin’ny asa famokarana eny anivon’ny Faritra sy ny Kaominina. Voizina ihany koa ny famokarana masomboly mba ahafahana mamokatra masomboly manaraka ny lalàna sy ny fenitra misy. Tohizana ny fanohanana ny famokarana miaro ny tontolo iainana na ny “agro écologie”. Tanjona ny ialàna amin’ny fisian’ny olana ara-tsakafo manimba ny fahasalaman’ny olombelona mpanjifa no tanjona kendrena.

Eo ihany koa ny fanohanana ny fametrahana tanora amin’ny sehatr’asa famokarana nananganany tetik’asa. Jerena ihany koa ny momba ny fananan-tany, ny lalam-barotra. Ireo rehetra ireo izay fanamafisana ny sehatr’asa efa nataon’ny Réseau SOA hatramin’izay. Efa an-taonany maro ity vovonana nasionaly ity no nivohy an’izany.

Mandritra ny roa taona moa ity tetik’asan’ny Réseau SOA, tohanan’ny GIZ ity, hifarana amin’ny taona 2026. Faritra iasana ny any Amoron’i Mania, Bongolava, Boeny ary ny eto Analamanga.