Fahombiazana no azo amehezana ny Foara Iraisam-pirenena ho an'ny Toe-karena eny ambanivohitra (FIER MADA) andiany faha-26, natao teny amin'ny kianjan'i Makis Andohatapenaka, nandritra ny 5 andro. Afapo ireo tantsaha aévy amin'ny Faritra 24 nitondra ny vokany teto an-drenivohitra. Tonga marobe ny mpitsidika. Nahatratra 100.000 ireo olona nifamezivezy teny Andohatapenaka nandritra ny fotoana nanaovana ny Foara...

Mbola miavaka amin'ny foara hafa nisy taty aoriana ny FIER MADA hoy ireo tantsaha nitondra ny vokany teny Andohatapenaka. Tsy mamono antoka ny fandraisana anjara amin'ny tsenabe toa itony hoy izy ireo. Ankoatra ireo mpanjifa nividy mivantana ny vokatra nentina, maro ireo nanao famandrihana na ny commande.

Olona vonona nividy sy nanao famandrihana ireo mpitsidika hoy ny filoha mpanorina ny FIER MADA, Jacques Ramanantsoa. Nitombo ny isan'izy ireo hoy ny mpandray anjara.  Nihatsara noho ny tamin'ny herintaona.

Tratra ny tanjona amin'ny maha tsenabe iraisam-pirenena azy hoy hatrany ny filoha mpanoroina. Nifanindran-dalana amin'ny fanatanterahana ny fihaonamben'ny SADC eto Madagasikara ka nisy tamin'izy ireny no tonga teny Andohatapenaka hoy Andriamatoa Jacques Ramanantsoa.