Mamokatra mangahazo 3 tapitrisa taonina eo ho eo Madagasikara araka ny tarehimarika ny taona 2022. Mahatratra eo amin’ny 7,5 taonina isaky ny hektara ny vokatra miakatra. Manodidina ny 4 hetsy hektara ny tany amokarana mangahazo eto amintsika. Natokana ho sakafon’ny olombelona ny ampahany amin’ny mangahazo eto Madagasikara. Ny 60 isanjato, manodidina ny 8 hetsy sy iray tapitrisa taonina kosa dia natao ho sakafon’ny biby fiompy...

Azo atao fanafody mamono bibikely koa nefa ny mangahazo. Fanafody mamono bibikely mpanimba voly matanjaka ny mangahazo. Maharitra mandritra ny 2 volana ny heriny. Nikaroka fomba ahafahana manodina ny mangahazo ho lasa fanafody famonoana bibikely i RANAIVOARISON Basil na I Papa Bio. Araka ny fanazavany, nahomby tamin’ny famonoana ireo lolofotsy nanapotika ny voly teo an-tokontaniny ity mangahazo nahodina ho fanafody mamono bibikely ity. Nomarihany nefa fa haingana kokoa amin’ny fahombiazana amin’izay famonoana bibikely izay ny ranonà zezika kankana, vokatra ampianariny ny tantsaha tonga ao aminy.