Manana andraikitra amin'ny famokarana masomboly ry zareo ao amin'ny Fikambanana tantsaha CLASS Mananasy, Distrika Soavinandriana, Faritra Itasy. Izy ireo izay afaka nanabe voa ny famokarana tamin'ny alalan'ny tetik'asa BREOMA. Efa ela no niorina ny fikambanana tantsaha CLASS hoy Ramatoa Raketabao Soanoelijaona filohany. Rehefa nahazo fanohanana tamin'ny tetik'asa izy nefa ireo dia niroso ho ara-panjakàna tamin'ny taona 2022...
Mamokatra masomboly aman-taoniny maro ny fikambanana ankehitriny raha toa ka tany an-kafa no nividy izany tany aloha.
Manamora ny fitahirizana ny masomboly ny nahazoan'ny fikambanana trano fitahirizana masomboly. Foto-drafitr'asa vokatry ny tohana nataon'ny mpiara-miombon'antoka, ny tetik'asa.
Manana anjara toerana amin'ny fampiroboroboana ny masomboly ao amin'ny Faritra Itasy tamin'ny alalan'ny tetik'asa koa ny Foibem-paritra Fanofanana arak'asa momba ny Fambolena ao Antanetimboahangy-Analavory "C.R.F.P.A." Ny fampiroboroboana ny masomboly mangahazo indray no ifotoran'izy ireo hoy Andriamatoa Rafidimanantsoa Donné, Tale mpanatanteraka.
