Tsy manao ambanin-javatra ny fiarovana ny tontolo iainana amin'ny alalan'ny fanarenana ny tontolo manodidina sy ny ala ny fikambanana Union MATANJAKA ao amin'ny Faritr'i DIANA. Manana tetik'asa iarahana amin'ny Réseau SOA tohanan'ny F.F.F-F.A.O izy ireo. Tetik'asa famokarana zana-kazo sy fambolena hazo...
Misitraka ny tetik'asa ny Fikambanana FIVEMPISA ao amin'ny kaominina Sajoavato, Distrikan'Antsiranana-II. Zava-dehibe ho azy ireo io tetik'asa io satria ao Antsiranana-II no misy ny faritra arovana miisa 9 amin'ireo 19 any amin'ny Faritr'i DIANA.
Efa mipaka any amin'ny tantsaha mpahazo tombontsoa ao Sajoavato ny fifandraisan'ny fiarovana ny tontolo iainana sy ny famokarana sakafo. Tanjona kendren'ny fikambanana ny hamokatra zanakazo 10.000 isa amin'ny taona ho avy hoy Andriamatoa Arnaud Richelin, mpandrindra ny Fikambanana Union Matanjaka, DIANA.
Mankalaza ny faha-20 taona nijoroany amin'ity taona ity ny INION MATANJAKA, fikambanamben'ny tantsaha mpamboly sy mpiompy misandratra ao amin'ny Distrikan'Antsiranana-II. Isan'ny vato fototra faha-20 taona izao koa ny fananganana ny trano hatao ho foiben-toeran'ny fikambanana UNION MATANJAKA.
