Mbola nametrahan’ny mpifidy ny fitokisany indray hitantana ny tranoben’ny tantsaha mpampokatra nasionaly mandritra ny dimy taona manaraka ny filoha ankehitriny, RAZAFIMBOLOLONA Angeline. Natao ny 30 Aogositra 2024 teny amin’ny CFFAMA Nanisana ny fifidianana mandrafitra ny birao nasionaly eo anivon’ny tranoben’ny tantsaha...
Nahazo vato 55 tamin’ireo 71 nandrotsa-bato ny filoha amperin’asa nandritra ny fifidianana. Faritra 18 no nahatonga solontena efatra avy, nandray anjara. Ramatoa RAZAFIMBOLOLONA Angeline manana traik’efa amin’ny fitantanana rafitry ny tantsaha lehibe toa itony. Efa filoham-paritry ny vovonam-pikambanana nandritra ny 10 taona. 10 taona ihany koa no nitantanana vovonam-pikambanana eran’i Madagasikara ary 5 taona nintantanana ny tranoben’ny tantsaha. Tantsaha mpamokatra masomboly ao amin’ny faritra Matsiatra Ambony ihany koa izy. Asa miandry an-dramatoa RAZAFIMBOLOLONA Angeline ny hahatanteraka ny satan’ny tranoben’ny tantsaha mpamokatra nasionaly ho antenimieran’ny Fambolena, ny fiompiana ary ny jono.
Mifameno ny sehatr’asan’ny tranoben’ny tantsaha sy ny ministeran’ny Fambolena sy ny fiompiana hoy ramatoa RAKOTOARISON Mitia Finoana, tale misahana ny fanapariahana ny haitao teknika sy ny ahamatianina ny mpamokatra, nisolo tena ny ministera nanatrika ny fifidianana natao androany teny Nanisana..
