Mitondra ny fahaiza-manaony miaraka amin'ny mpiara-miombona antoka amin'ny fandrakofana ala an'i Madagasikara ny Foibe Fafiala, manana ny foiben-toerany eny Ambohimangakely, Antananarivo Avaradrano. Natomboka tamin'ny fomba ôfisialy ny zoma 24 febroary 2023, ny fiaraha-miasan'ny Foibe sy ny Conservation International.

Asa napetraky ny Conservation International ny hamerenana indray ny ala voajanahary manakaiky ny tandavan'ala Ankeniheny Zahamena. Ny faritra faharoa ao amin'ny Kaominina Mankambahiny Atsinanana, ao amin'ny Fokontany Anosivola no asa nampiandraiketina ny Fafiala. Velaran-tany 500 Ha no horakofana ala. Tetik'asa hatramin'ny volana septambra ho avy izao. Misy ny fiaraha-miasa amin'ny tantsaha manakaiky izany faritra iasana izany, hoy ny Tale mpanatanteraka, Raveloarijaonina Nonah ; ka fianakaviana eo amin'ny 400, ahitana olona 1000 any ho any no mahazo tombontsoa.

Foibe mivoy ny fampandrosoana ny tontolo ambanivohitra sy ny fiarovana ny tontolo iainana amin'ny alalan'ny haitao sy ny traik'efa samihafa nampiasainy nandritra ny 30 taona mahery nijoroany teto Madagasikara, ny Fafiala.

[Miara-dalana] Zoma 26 mey 2023

♦ Ankalazaina ny 27 mey 2023, ny fetin'ny Grand Séminaire de Théologie, Jean Marie Vianney, ao amin'ny Diôsezin'i Moramanga, iombonan'ny Arsidiôsezy Atsinanana... ♦ Nanatanteraka fiofanana tao anatin'ny telo andro tao Befotaka, ireo Kômity mpanatanteraka, Diôsezin'Ambanja MDMK-CVX... ♦ Nitombo iray indray ny isan'ny fiangonana iandraiketan'ny fikambanan'ny Pretra Karma any amin'ny Diôsezin'i Moramanga...

Tohiny...

Tsara ny Noely, raha...

Mitondra ny teny fiarahabana sy firarian-tsoa ho antsika, amin'izao fankalazana manetriketrika ny nahaterahan'ny Mpamonjy izao, i Mompera Bizimana Innocent, Lehiben'ny Fikambanana Salezianin'i Don Bosco eto Madagasikara sy ny Nosy Maurice.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...