Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Ny fahatsarana eo amin'ny tokantrano dia toy ny mandeha ho azy, avy amin'Andriamanitra ny fahatsarana. Ny fahasarotana dia ilay tsy araka ny nandrasantsika sy tsy nampoizintsika. Sedra tsy maintsy andalovana izy ireny ka mila mifikitra amin'Andriamanitra hatrany amin'ny famahana izany. Ny fahatsarana sy ny fahasarotana dia samy mamolavola ny tsirairay hanamafy ny fifankatiavana eo anivon'ny tokantrano...

Lohahevitra : Ampela mihary
Voadika amin'ny fiteny :  Français (France)   English (United Kingdom) 

Manimba ny fahasalamana ny fanaovana dokotera tena. Maro ny olona tonga eny amin'ny tobi-pahasalamana no efa ao anatin'ny fahasarotana fa tsy ilay fiatombohan'ny aretina intsony, izany hoe notsaboina tany an-tranony tany foana ny marary. Ny hoe manao dokotera tena dia ireo olona mamaritra samy irery ny aretiny na koa mitsabo sy mampiasa fanafody tsy nandalo fizahana teo anatrehan'ny mpitsabo niofana. Ny famaritana ny fototr'aretina dia ny mpitsabo "dokotera" no efa voatokana hanao izany raharaha izany. Fandaharana "Amperala Miary" vokarina eto amin'ny RDB.

Lohahevitra : Hirika
Voadika amin'ny fiteny :  Français (France)   English (United Kingdom) 

Manohy ny sehatr'asa fampivoarana ny tanora tantsaha indrindra ireo tanora vehivavy eny amin'ny tontolo ambanivohitra ho lasa matihanina amin'ny seha-pihariana ataony ny tambazotra Sendikan'ny Orina Ambanivohitra na ny "réseau SOA". Miara-dalana amin'izany ny fampiofanana ny tanora ho lasa tompon'andraikitra eny amin'ny fikambanan'ny tantsaha.

Lohahevitra : Miaina sy mitia
Voadika amin'ny fiteny :  Français (France)   English (United Kingdom) 

Na ny manapaka hazo aza dia tsy tokony hanadinoana ny nahary azy ka ifonana sy angatahana tso-drano, mialohan'ny fanapahana. Mila fandinihan-tena ny kristiana tsirairay ary hanova ny fomba fanaony. Any an-tsekoly dia omena fahazarana vaovao ny mpianatra mba hifampizarany amin'ny ray aman-dreniny. Ny tanora dia havondrona anaty fikambanana mba hanamorana ny fampitana fanabeazana.

Sous-catégories

Andriano ny fahasalamana

Miaina sy mitia

[Miara-dàlana] Alatsinainy 22 septambra 2025

• Sarotra ny mitory kanefa meteza hanoha riana, hoy ny fampianarana nentin'i Mgr Marie Fabien Raharilamboniaina, Filohan'ny Fivondronamben'ny Evekan'i Madagasikara, nandritra ny toriteny nataony tamin'ny fanamasinana ho eveka an'i Mgr Mamiarisoa Modeste Randrianifahanana... • Miisa 564 mianadahy ireo andiany, nisalotra ny anarana Masindahy Augustin, navoaka tamin'ny sabotsy 20 septambra 2025, avy eo anivon'ny Mpikabary Katolika... • Tantano amim-pirahaliana sy amim-pahendrena ireo haren'ny tany, hoy ny Papa Léon XIV, tamin'ny fandalinam-pinoana nataony nandritra ny Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...