Alahady fankalazana ny nisehoan’ny Tompo na Epifania : Izao tontolo izao no irin’andriamanitra ho Eglizy fianakaviany ; Efa nahita ny kintany tany Atsinanana izahay, ka nankaty mba hitsaoka ny Tompo. Vita ny fetin'ny Noely, mety ho lalovan'ny maro fotsiny ny fankalazana ny Epifania, anefa banga ny Misterin'ny Noely raha tsy hita taratra amin'izao tontolo izao amin'ny Epifania ny Misterin'ny Noely. Ny Epifania dia manipika ny asany eo amin'ny vahoaka manerana ny tany tontolo izay solon'ireo Majy tena. Tamin'ny Noely dia tsy niseho afatsy tamin'ireo mpiandry ondry i Jesoa, fa amin'ny Epifania dia mandray ny olona rehetra eto an-tany izy ; ny firenena rehetra no vonjen'i Jesoa, Mesia ho an'ny olon-drehetra izy...