Zoma 13 desambra 2019 - Herinandro faharoa amin'ny Fiavian'ny Tompo.
Evanjely Masina nosoratan'i Masindahy Matio 11, 16-19.
Avia ry Tompo, vangio am-piadanana izahay ka hifalianay amin'ny fo lavorary.

Sarotra sy manahirana ny olona tamin'ny andron'i Jesoa, ary hatramin'izao mbola izany ihany fa na inona na inona atao aminy toa tsy rototra, tsy taitra na mihontsona akory. Atao avokoa izao karazana fampianarana izao fa tsy ahoany akory izany. Entina manao fihatahana masina, laretirety, asiana fanentanana isan-karazany... fa amin'iny ihany, fa avy eo ny ataony ihany no ataony. Ny sasany aza moa miharatsiratsy kokoa.