24 febroary 2025 — Alatsinainy, Herinandro Tsotra fahafito Mandavantaona — I Jesoa Kristy Mpamonjy antsika no nanafoana ny fahafatesana sy nanambara ny fiainana amin’ny Evanjely — Evanjely Masina nosoratan’i Masindahy Marka (Mk. 9, 13-28)

Manampy antsika hijery ny fifandraisan’ny vavaka sy ny finoana ity tantara aroson’Andriamanitra ho sakafom-panahintsika anio ity. Vavaka no nataon’ity raim-pianakaviana ity tamin’i Jesoa, vavaka fangatahana fahasitranana amin’ny fanangolen’ny demony an’ity zanany mijaly vokatr’izany fanangolena izany.

Hanao dingana amin’ny finoana no anasan’i Jesoa hataony, finoana fa ao amin’i Jesoa Kristy no ahitana famonjena sy fahafafahana. Nanao an’izany tamim-pahatsorana sy tamim-panetren-tena ity raim-pianakaviana ka nahatsapa fahagagana tamin’ny tenany, no sady ho an-janany.

Manasa antsika handinika ireo vavaka ataontsika isan’andro ity Evanjely anio ity, vavaka tokony arahim-pinoana na fahatokisana an’ilay Andriamanitra ivavahantsika.