12 desambra 2024 — Alakamisy, Herinandro faharoa amin'ny Fiavian'ny Tompo — Asehoy anay, ry Tompo, ny hatsaram-ponao, ary omeo anay ny famonjena avy aminao — Evanjely Masina nosoratan’i Masindahy Matio (Mt 11, 11-15)
Sady manambara ny halehiben’i Joany Batista i Jesoa no maneho ny fiambaniany. Lehibe amin’ireo mpaminany teo alohany i Joany Batista satria nambarany fa tapitra ny fotoam-piandrasana ny tantara vaovaon’olombelona nohavaozin’ny Fanahy Masina, vokatry ny Pakan’i Kristy.
Mila fahavononana tanteraka anefa ny fidirana handraisana anjara ao anatin’izany vanim-potoana izany. Ilaina ny fikelezana aina hikatsahana ny famonjena manoloana an’izany taom-pahasoavana entin’i Jesoa Kristy amintsika izany. Manana anjara toerana amin’izany ihany koa ny fahasoavany satria io no manohana antsika hatrany amin’izany ezaka masina ataontsika izany.
